უკანასკნელ ხანს ძალიან გვახარებს თავისი ლაღი და ლამაზი თამაშით "რუბინის" 19 წლის შემტევი ხვიჩა კვარაცხელია. ქართული ფეხბურთის დღევანდელი სავალალო მდგომარეობიდან გამომდინარე, ძნელია აუხსნა ჩვენს ქომაგს, რას ნიშნავს ბურთის ქართულად გორება, მაგრამ ძველ, სტაჟიან გულშემატკივარს ამის განმარტება არ სჭირდება.
"ორენბურგთან" მატჩში მან გამარჯვების მომტანი საგოლე გადაცემა გააკეთა და საერთოდაც, იმდენად ნაყოფიერად გაისარჯა, რომ საუკეთესო ფეხბურთელად დაასახელეს, კომენტარიც ჩამოართვეს, თუმცა აზრი ხეირიანად ვერ ჩამოაყალიბა - ეგ არაფერი, მთავარია, საფეხბურთო აზროვნება არ აკლია და ბურთთან თქვენობით არ არის.
"მატჩ პრემიერის" კომენტატორმა ჩვენებურის საგოლე
პასისას აღფრთოვნება ვერ დამალა: "ხვიჩამ ყველაფერი გააკეთა, ოთხი მეტოქე ჩამოიცილა და შესანიშნავად დაინახა თანაგუნდელი შორეულ ძელთან".
ყაზანური კლუბის საიტმა მიმოხილვაში კვარაცხელიას გამორჩეული ასპარეზობა აღნიშნა: "რუბინში" კვლავ ყველაზე შესამჩნევი ხვიჩა იყო, რომელიც თავის მარცხენა ფლანგზე მუდმივად მიდიოდა მეურვეების მოტყუებაზე და როგორც წესი, წარმატებულად. ერთ-ერთ ეპიზოდში ახალგაზრდა ქართველმა პირით ხაზთან ორი ოპონენტის გარემოცვიდან გარღვევა მოახერხა, კარშიც დაარტყა, მაგრამ მეკარემ თავისი გუნდი გადაარჩინა. 65-ე წუთისთვის მასპინძლები საბოლოოდ დაეუფლნენ ინიციატივას და შეცვლაზე შესულმა დენის მაკაროვმა შორეულ ძელთან ხვიჩას გადაწოდებული ბურთი გაიტანა".
კვარაცხელია სხარტია, მსუბუქი, მოედანზე დაქრის, ტექნიკურია, მოედანს კარგად ხედავს. თუ გასულ სეზონში უმეტესად შეცვლაზე შეჰყავდათ, ახლა ფიზიკურადაც მოძლიერდა და უკვე თითქმის სრულად შეუძლია ითამაშოს - "ორენბურგთან" 83-ე წუთზე შეცვალეს.
ცოტა სტაბილურობა აკლია, რაც ასაკთან ერთად აუცილებლად მოვა. "ურალთან" შეხვედრაში (2:1) გოლი და საგოლე გადაცემა მიითვალა, ხოლო შემდეგ "ლოკომოტივთან" (0:2) და "უფასთან" (0:0) თავი არ გამოუჩენია. თუმცა, იმდენად მიგვაჩვია კარგ თამაშს, რომ მის მიმართ ცოტა ზედმეტად პრეტენზიულები გავხდით - "თავისი ბრალია", რადგან თამასას თანდათან სულ უფრო და უფრო მაღლა სწევს.
"ლოკომოტივის" გენერალურმა დირექტორმა ვასილ კიკნაძემ კვარაცხელიას გუნდიდან წასვლის შესახებ თქვა, რომ დღემდე განიცდის მის დაკარგვას, ბრწყინვალე ფეხბურთელია, ნამდვილი მებრძოლი და მძიმე გაკვეთილი მიიღო.
"ლოკოს" ყოფილმა მწვრთნელმა იური სიომინმა "ურალთან" შეხვედრის შემდეგ ის ასე დაახასიათა: "ხვიჩამ "ურალთან" შესანიშნავად ითამაშა. ორივე გუნდში საუკეთესო იყო. მის ნიჭში ეჭვი არასოდეს მეპარებოდა. კონტრაქტი რომ არ გაუფორმეს, ეს "ლოკომოტივის" დიდი დანაკლისი იყო.
შეუძლია თუ არა ხვიჩას მომავალში ევროპაში ითამაშოს? მას კარგი მომავალი აქვს. ფეხბურთისადმი მისი სწორი დამოკიდებულების გათვალისწინებით, შეუძლია შორს წავიდეს და დიდ გუნდში ითამაშოს".
შეუძლია თუ არა ხვიჩას მომავალში ევროპაში ითამაშოს? მას კარგი მომავალი აქვს. ფეხბურთისადმი მისი სწორი დამოკიდებულების გათვალისწინებით, შეუძლია შორს წავიდეს და დიდ გუნდში ითამაშოს".
კვარაცხელიამ ჯერ სასწაული გოლი გაიტანა, ხოლო შემდეგ სამეფო ასისტი გააკეთა [VIDEO]გულშემტკივრები ხვიჩას თამაშით აღფრთოვანებულნი არიან და კლუბის საიტზე მისი მისამართით საქებარ სიტყვებს არ იშურებენ:
"კვარა საუკეთესოა, "საუკეთესოა! ეს უეჭველია!", "მალე "ზენიტი" წაგვართმევს", "ოღონდ კვარა არ წაგვართვან".
კარგია, როდესაც 19 წლის ბიჭი ფანების ასეთი სიყვარულითა და პატივისცემით სარგებლობს. ფეხბურთში, ისევე, როგორც საერთოდ ცხოვრებაში, ბევრი რამ შრომისმოყვარეობასა (რაც არ აკლია) და იღბალზეა დამოკიდებული. მოდით, ხვიჩას წარმატებები ვუსურვოთ და კიდევ მრავალჯერ გაეხარებინოს ქართველი (და არამარტო ქართველი) გულშემატკივარი.
მიდი, ხვიჩა, მიდი, შენ ეს შეგიძლია! შენ ეს უნდა გააკეთო!
კვარაცხელიამ გამარჯვების მომტანი ჩინებული საგოლე პასი გააკეთა და მატჩის საუკეთესო ფეხბურთელად აღიარეს [VIDEO] 
"ლოკოს" გენდირექტორი: ჯუღელმა კვარაცხელიას ტრანსფერის საქმეში მოგვატყუა, ახლაც განვიცდი მის დაკარგვას
იური სიომინი: კვარაცხელიას გაშვება აღმაშფოთებელი იყო - მათ ჩემში მხეცი გააღვიძეს!
![კვარაცხელია შეიძლება ოქტომბერშიც სერია A-ს საუკეთესო ფეხბურთელი გახდეს [PHOTO]](/pictures/image7/07fd9b9fed2eb5e0337002d74685d5c6.jpg "კვარაცხელია შეიძლება ოქტომბერშიც სერია A-ს საუკეთესო ფეხბურთელი გახდეს [PHOTO]")
