ძნელია ჩაკვეტაძისთვის ასეთი მძიმე ტრავმისა და ოპერაციის შემდეგ დაბრუნება და მწყობრში ჩადგომა. ყველაფერი მასზე არაა დამოკიდებული, რამეთუ მუხლის სახსარში სითხის ჩადგომა სახუმარო საქმე არაა. გიორგი კი ცდილობს, იბრძვის და იმედია, მისი გარჯა შედეგს გამოიღებს.
თქვა კიდეც "გენტის" ახალმა მწვრთნელმა ლასლო ბოლონიმ, რომ ჩაკვეტაძე დასაბრუნებლად წელიწად-ნახევარი შრომობდა, თამაშში გარდატეხის შემტანი ფეხბურთელია, მეტი შეუძლია და მისი იმედი აქვს.
საქართველოს ნაკრებს ბელარუსთან ერთა ლიგის პლეი-ოფის ნახევარფინალამდე ერთ თვეზე ოდნავ ნაკლები აშორებს და ამ პერიოდში "გენტს" 5 შეხვედრა აქვს ჩასატარებელი - ხვალ სტუმრად "ეუპენს"
დაუპირისპირდება და გიორგი წინასამატჩო განაცხადშია შეყვანილი. სამწუხაროდ, განაცხადში არაა გიორგი ქვილითაია, რომელსაც, სავარაუდოდ, გუნდის გამოცვლა მოუწევს.
15 სექტემბერს კი "გენტი" ჩემპიონთა ლიგის მესამე საკვალიფიკაციო ეტაპზე "რაპიდს" უმასპინძლებს. ჩაკვეტაძეს "გენტის" მწვრთნელი ნდობას უცხადებს და ისტორიული მატჩისათვის სათანადოდ მოსამზადებლად ყველა პირობა აქვს.
ქართველ გულშემატკივარსაც სჯერა იმისა, რომ მალე "ძველი ჩაკვეტაძე" დაგვიბრუნდება!
ბოლონი: ჩაკვეტაძეს შეუძლია დიდ პროგრესს მიაღწიოს
!["გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ..." - "უოტფორდის" მეკარე ქართველი თანაგუნდელის შესახებ [VIDEO]](/pictures/image7/8f301f0357b51e9fb45fdc2057f17a6b.png "\"გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ...\" - \"უოტფორდის\" მეკარე ქართველი თანაგუნდელის შესახებ [VIDEO]")
![ჩაკვეტაძე ნაკრებში ჩინებულ ფორმაში მოდის - "უოტფორდმა" გაიმარჯვა და მეოთხე ადგილზე გადავიდა [VIDEO]](/pictures/image7/9c16cf0dc6039bc2a2aea1deeea4cb5d.jpeg "ჩაკვეტაძე ნაკრებში ჩინებულ ფორმაში მოდის - \"უოტფორდმა\" გაიმარჯვა და მეოთხე ადგილზე გადავიდა [VIDEO]")
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
