"როტორმა" ანანიძის ღირსეული საქციელი აღიარა

ნახევარმცველმა ჯანო ანანიძემ ვერ შეძლო ტრავმის გამო თამაში და მიუხედავად იმისა, რომ "როტორისგან" მთელი წლის ხელფასის აღება შეეძლო, ღირსეულად მოიქცა და კონტრაქტი გაწყვიტა. სწორედ ამაზე გააკეთა "Россия 24"-ის ეთერში კომენტარი ვოლგოგრადული კლუბის გენერალურმა დირექტორმა ანდრეი რეკეჩინსკიმ:

"ჯანოს ტრავმა ჰქონდა და აღდგენის პროცესში იმყოფებოდა. დაშავებული რომ არ ყოფილიყო, მას ხელშეკრულებას ვერ გავუფორმებდით, ვერ დავუკმაყოფილებდით მოთხოვნებს. უფრო სხვა გუნდში გადავიდოდა, რომელიც სატურნირო ცხრილში უფრო მაღალ ადგილზე იმყოფება, ან შეიძლება ევროპულ კლუბში.

ჩვენ გარკვეულ რისკზე წავედით და ის მოთხოვნებზე დაგვთანხმდა. სამწუხაროდ, არ გამოვიდა.

დავილაპარაკეთ და მივხვდით, რომ უკეთესი იქნებოდა, თუ ყოველგვარი კომპენსაციის გარეშე დავშორდებოდით.

ჯანო ძალიან ლამაზად მოიქცა. კარიერის გაგრძელებას ვუსურვებთ, დაე, ყველაფერი გამოუვიდეს. კონტრაქტი ყოველგვარი პრეტენზიის გარეშე გავწყვიტეთ. შეიძლება ამ სატრანსფერო ფანჯრისას ვინმესთან კონტრაქტი გააფორმოს".

alt ჯანო: მეგონა ნაკრებს დავემარებოდი, ფეხბურთის თამაში ძალიან მინდა...