"მიუნხენ 1860"-ის ექსმწვრთნელი დენის ბუშუევი საქართველოს ნაკრებისა და ყაზანის "რუბინის" ფეხბურთელზე, ხვიჩა კვარაცხელიაზე საუბრობს. "ის იმავე გალაქტიკიდანაა, საიდანაც რიბერი და რობენი იყვნენ. მან ბუნდესლიგის საუკეთესო 5 გუნდში აუცილებლად უნდა ითამაშოს. ხვიჩას შესანიშნავი ტექნიკა და გოლის გატანის კარგი ალღო აქვს, ასეთს კი გერმანიის უმაღლეს ჩემპიონატში არცთუ ისე ხშირად შეხვდებით. ამრიგად, კვარაცხელია აქ აუცილებლად უნდა მოხვდეს" - განაცხადა ბუშუევმა Match TV-სთან ინტერვიუში.
ხვიჩას ტრანსფერით ასევე "ლიდს იუნაიტედია" დაინტერესებული.
2020/21 წლების სეზონში კვარაცხელიამ რუსეთის პრემიერლიგაში 23 შეხვედრა გამართა, საიდანაც თავი 4 გოლითა და
8 საგოლე გადაცემით გამოიჩინა, აღსანიშნავია, რომ ხვიჩამ რუსეთის უმაღლესი ლიგის საუკეთესო ახალგაზრდა ფეხბურთელის ჯილდო ზედიზედ მეორედ მოიგო. რაც შეეხება მის გუნდთან არსებულ კონტრაქტს, ქართველი და "რუბინი" ხელშეკრულების მიხედვით 2024 წლის 30 ივნისამდე არიან დაკავშირებულნი.
მომზადებულია sport24-ის მიხედვით
![alt](/pictures/image50/af6dae94d7b6492c71fca5b117bce747.jpg ""ის იმავე გალაქტიკიდანაა, საიდანაც რიბერი და რობენი იყვნენ..." - "მიუნხენ 1860"-ის ექს მწვრთნელი ხვიჩაზე ალაპარაკდა")
ბრიტანული პრესა "ლიდსში" კვარაცხელიას მცველად თამაშს განიხილავს
