კონფერენს ლიგის მეორე საკვალიფიკაციო ეტაპის პირველ მატჩებში ქართველმა ლეგიონერებმა მიიღეს მონაწილეობა.
"კოპენჰაგენმა" "პარკენზე" დამაჯერებლად სძლია (4:1) ბელარუსის "ტორპედო-ბელაზს". მასპინძელთა გუნდში შეუცვლელად ითამაშა დავით ხოჭოლავამ.
"აპოლონი" კვიპროსში" 1:3 დამარცხდა იმ "ჟილინასთან", რომელმაც პირველ ეტაპზე "დილა" დაამარცხა. ლიმასოლელთა რიგებში 46-ე წუთიდან ჩაერთი თამაშში რევაზ ინჯგია, ხოლო გიორგი პაპუნაშვილი - 84-ე წუთიდან.
"გენტმა" გიორგი ჩაკვეტაძის, ლორან დეპუატრის, რომან ბეზუსისა და რომან იარემჩუკის გარეშე "ჩელამგო-არენაზე" "ვოლერენგა" 4:0 გაანადგურა და პრაქტიკულად შემდეგი ეტაპის საგზური მოიპოვა.
უნგრეთის თასის მფლობელმა "უიპეშტმა" ბუდაპეშტში 2:1 მოუგო ლიხტენშტაინის "ვადუცს". მადიარულ
კლუბში შეუცვლელად იასპარეზა გიორგი ბერიძემ და ყვითელი ბარათი მიიღო.
"ტობოლი" სპლიტში 0:2 დამარცხდა ადგილობრივ "ჰაიდუკთან". კუსტანაელთა თავდამსხმელი ელგუჯა ლობჯანიძე სათადარიგო იყო.
ზაქარია ბეგლარიშვილის "ლევადიამ" ირლანდიაში საბრძოლო ფრეს მიაღწია "დანდოლკთან" - 2:2. ჩვენებურმა 67-ე წუთამდე ითამაშა და ყვითელი ბარათი მიიღო.
მონტენეგროული "სუტიესკა", რომელმაც წინა ეტაპზე "გაგრას" სძლია, საკუთარ მოედანზე უგოლო ფრეს დასჯერდა 55-ე წუთიდან რიცხობრივ უმცირესობაში მყოფ თელ-ავივის "მაკაბისთან".
![alt](/pictures/image50/bd2a023923f07f53a5f910c0a53d8ac6.jpg "ხოჭოლავას "კოპენჰაგენი" და ჩაკვეტაძის "გენტი" თითქმის შემდეგ ეტაპზე - ქართველები კონფერენს ლიგაზე")
გიორგი ჩაკვეტაძე "ვოლერენგასთან" ვერ ითამაშებს
!["გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ..." - "უოტფორდის" მეკარე ქართველი თანაგუნდელის შესახებ [VIDEO]](/pictures/image7/8f301f0357b51e9fb45fdc2057f17a6b.png "\"გიორგის დრიბლინგები ფენომენალურია... ჩემს შვილს ჩაკვეტაძის შესახებ ვეუბნები, რომ...\" - \"უოტფორდის\" მეკარე ქართველი თანაგუნდელის შესახებ [VIDEO]")
![ჩაკვეტაძე ნაკრებში ჩინებულ ფორმაში მოდის - "უოტფორდმა" გაიმარჯვა და მეოთხე ადგილზე გადავიდა [VIDEO]](/pictures/image7/9c16cf0dc6039bc2a2aea1deeea4cb5d.jpeg "ჩაკვეტაძე ნაკრებში ჩინებულ ფორმაში მოდის - \"უოტფორდმა\" გაიმარჯვა და მეოთხე ადგილზე გადავიდა [VIDEO]")
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
