თურქულ შეკრებაზე ჩატარებულ ამხანაგურ მატჩში ლუკა ლოჩოშვილის „ვოლფსბერგერი“ „შახტართან“ 1:4 დამარცხდა.ანგარიში 37-ე წუთზე ლოჩოშვილმა გახსნა - მეკარე ტრუბინმა ავსტრიელი თავდამსხმელის დარტყმული ბურთი მოიგერია, დამატებაზე კი ქართველმა მცველმა ყველას დაასწრო. 77-ე წუთამდე „ვოლფსბერგერი“ იგებდა, მაგრამ შემდეგ დონეცკელებმა ოთხი უპასუხო გოლი გაიტანეს და გაიმარჯვეს.
27 იანვარს „ვოლფსბერგერი“ ბოლო საკონტროლო შეხვედრაში ჩეხეთის „ბოჰემიანსს“ დაუპირისპირდება, მერე ავსტრიაში დაბრუნდება და 4 თებერვალს თასის მეოთხედფინალში მე-2 ლიგის „ფლორიდსდორფერს“ ეთამაშება, ხოლო 12 თებერვალს ბუნდესლიგის მე-19 ტურში „რიდს“ უმასპინძლებს.
ლოჩოშვილმა ამ სეზონში ჩემპიონატის 16 მატჩში მიიღო მონაწილეობა,
მისი გუნდი კი მესამე ადგილზეა.
![alt](/pictures/image50/5d78599bc7f4642d7618aee5ad4503b0.jpg "ქართველები სპარინგებზე ყოჩაღობენ - ლოჩოშვილმა "შახტარს" გაუტანა")
ლოჩოშვილის "ვოლფსბერგერი" 3:0-ს იგებდა და ფრეს დასჯერდა
