კვარაცხელიას იტალიური მედია არ ასვენებს - ზაფხულში "მილანს" უკავშირებენ

ხვიჩა კვარაცხელია სანაკრებო შეხვედრებისთვის ემზადება. მის ირგვლივ ახლა ბევრი საუბარია, თუმცა კარგია, რომ "კვარაზე" ყველაფერი ეს ნეგატიურად არ მოქმედებს. მშვენიერია, რომ ხვიჩამ რუსეთიდან წამოსვლის (30 ივნისამდე) უფლება გამოიყენა და ამ ეტაპზე, ეროვნულ ლიგაში ითამაშებს. მთავარია, ზაფხულის სატრანსფერო ფანჯრის დროს ხვიჩა ევროპის რომელიმე ტოპ-ლიგაში ვიხილოთ. ამ მიმართულებით იტალიური მედია განსაკუთრებით აქტიურობს.

PianetaMilan-ის მიხედვით, "მილანს" ფლანგების გაძლიერება აუცილებლად სჭირდება და მოსალოდნელია, რომ "როსონერი" ახალ გარემარბს გადაიბირებს. მით უმეტეს, თუკი ისინი მომავალ ზაფხულს ანტე რებიჩს დაემშვიდობებიან. გამოცემა წერს, რომ ხვიჩა კვარაცხელია გუნდს კარგად მოერგება - ქართველ ფეხბურთელს კი მილანელთა ხელმძღვანელობა უკვე 1 წელია, აკვირდება:

"კვარაცხელიას რუსულ კლუბთან კონტრაქტი 2024 წლის 30 ივნისამდე აკავშირებს, თუმცა ამ ქვეყანასა და უკრაინას შორის არსებული ვითარების გამო ამჟამად იჯარით ქართულ ბათუმის "დინამოშია". გეოპოლიტიკური სიტუაციის გამო 21 წლის ფეხბურთელს შეუძლია, ზაფხულში ყაზანური კლუბი 15 მილიონ ევროდ დატოვოს.

ნიჭიერ ქართველს მიმდინარე სეზონში 22 მატჩში 2 გოლი და 4 საგოლე პასი აქვს."

სანაკრებო პაუზის შემდეგ, 2 აპრილს, კვარაცხელიას "დინამო" ბათუმში "თელავს" უმასპინძლებს, 30 ივნისამდე კი 15 შეხვედრაში მონაწილეობა შეეძლება.

კვარაცხელიას რუსეთში ზოგი გამოეტირა, ზოგი კი...

კვარაცხელიამ "რუბინთან" ხელშეკრულება შეაჩერა

ოფიციალურად - ხვიჩა ბათუმის "დინამოში" გადავიდა