თამამად შეიძლება ითქვას, „ღამურების“ მეკარე გიორგი მამარდაშვილი საუცხოოდ გაისარჯა.
თამაში მაღალ ტემპში მიმდინარეობდა, ლამაზი სანახავი იყო. თავიდან უფრო აქტიური „რეალი“ იყო. მომენტები ბენზემამ და ვალვერდემ ვერ გამოიყენეს. შემდეგ „ვალენსიამ“ შეუტია, კავანის დარტყმული ბურთი კურტუამ მოიგერია, ლატო კი საჯარიმოში წაიქცა და პენალტის დანიშვნას ამაოდ ითხოვდა. 39-ე წუთზე ჯემერტმა საჯარიმოში ბენზემას ხელი ჰკრა, მსაჯმა თერთმეტმეტრიანი დანიშნა და უმაღლესი საფეხბურთო სასჯელი სისრულეში თავად „დაზარალებულმა“ მოიყვანა.
მეორე ტაიმის დასაწყისშივე ლატომ შორეულ ძელთან გადაცემა ლინოს გაუკეთა და მან ანგარიში გაათანაბრა. საპასუხო იერიშისას ბენზემას მახვილი კუთხიდან გიორგიმ არ გაატანინა. აქედან მოყოლებული ტემპი დაეცა. თამაში ძირითადად მოედნის ცენტრში მიდიოდა. ბევრი იყო წვრილ-წვრილი უხეშობა და ორი შანსი „ბლანკოსს“ მიეცა: ვინისიუსი მამარდაშვილთან პირისპირ გავიდა და დუელში გამარჯვებული ქართველი გამოვიდა. ბოლოს გიორგი ვალვერდეს დარტყმულ ბურთს დაეუფლა და ძირითადი დრო 1:1 დასრულდა.
ექსტრა-ტაიმში თამაში გამოცოცხლდა, მადრიდელები უფრო სახიფათონი იყვნენ. მამარდაშვილმა გატანა ამჯერად კროოსს არ დაანება. მომენტი "ვალენსიასაც" ჰქონდა - შეცვლაზე შესული პერესი კურტუასთნ ერთი-ერთზე გავიდა, ტიბომ მხრით მოიგერია ბურთი, 1:1, პენალტების სერიაში კი "რეალმა" იმარჯვა.
დღეს მეორე ნახევარფინალში ერთმანეთს „ბარსელონა“ და „ბეტისი“ შეხვდებიან. ფინალი 15 იანვარს გაიმართება.
ერ-რიადი. „მეფე ფაჰდის სახელობის სტადიონი“. 50 492 მაყურებელი
რეალი - ვალენსია 1:1(პენ 4:3)
გოლები: 1:0 ბენზემა (39, პენ), 1:1 ლინო (46)
![alt](/pictures/image50/acfeb37403f4cc3c314009beb59d8883.jpg "მამარდაშვილი შესანიშნავი იყო - "ვალენსია" "რეალთან" პენალტების სერიაში დამარცხდა")
მატჩის დღე! ესპანეთის თასის ნახევარფინალში მამარდაშვილის "ვალენსია" "რეალს" შეხვდება
![მამარდაშვილის მოძღვარი ჩეხი გულშემატკივრის ტრიბუნაზე გიორგის კარის უკან იდგა და მასზე ლოცულობდა - ვიდეო სოციალურ ქსელებს იპყრობს [VIDEO]](/pictures/image7/83fc03ce49cd987e9c68958654faa079.png "მამარდაშვილის მოძღვარი ჩეხი გულშემატკივრის ტრიბუნაზე გიორგის კარის უკან იდგა და მასზე ლოცულობდა - ვიდეო სოციალურ ქსელებს იპყრობს [VIDEO]")
ანუ, დასკვნა მარტივია: იყავით მეგობრებო ბედნიერები. მიიღეთ პოზიტივი ცხოვრებისგან და სხვასაც გაუზიარეთ.
აბსოლუტურად გეთანხმებით.
რა უფლება გაქვთ, იყოთ ნიჭიერი და წარმატებული საქართველოში. :)
ეს ბიჭი სამი თვის წინ ადგილიდან 14 მეტრზე ხტებიდა თან ცალ ფეხზე მდგარი და დღეს რა მოუვიდა ნეტა? მუხლის ტრამვა ხომ არა აქვს, ან ბრმანაწლავის შეტევა?
არადა რა მაგრად ისკუპა, მაგრამ სხვა მხარეს გადახყა ტოო, ბიჯო თუ ხტები ჯერ ბურთს შეხედე სსაით მიდის, რო დახუჭავ თვალებს და ხან კბილები ჩამოუღე საწყლებს, ხან ყბა ჩამოუგდე, ჯეერ შეხედე საით მიფრინავს ბურთი და იმისკენ გადახტი, ხალხი არ გეცოდება?მერე რა რომ მოწინააღმდეგეა, უნდა დახოცო?
მსოფლიო დონის მეკარე გვყავს, ძმებო!