ნეაპოლური გუნდის მწვრთნელმა რუდი გარსიამ სასტარტოში, ფაქტობრივად, სათადარიგო შემადგენლობა დააყენა. სტუმრები მე-13 წუთზე ესტეგორის შეცდომის შემდეგ სტუანიმ დააწინაურა, 42-ე წუთზე კი ლოსანოს მოპოვებული პენალტით ანგარიში სიმეონემ გაათანაბრა.
61-ე წუთზე რუდი გარსიამ 9 ფეხბურთელი შეცვალა და კვარაცხელიაც შეიყვანა მოედანზე. ხვიჩა აქტიურად ჩაერთო თამაშში, სწრაფი კონტრიერიშისას არნაუმ წააქცია და კატალონიელს მსაჯმა ყვითელი ბარათი უჩვენა. შემდეგ ქართველი ისევ მოცელეს, მუხლი იტკინა, თუმცა შეცვლა არ მოითხოვა. ერთი სიტყვით, ისე ეუხეშებოდნენ, გეგონებოდა, სპარინგი კი არა, უმნიშვნელოვანესი მატჩი იყო. "კვარამ" რამდენჯერმე უშედეგოდ სცადა მოწინააღმდეგის დაცვის გარღვევა და ძირითადი დრო 1:1 დასრულდა.
შეთანხმების თანახმად, მატჩის შემდეგ პენალტების სერია დაინიშნა, სადაც მერეტმა ორი დარტყმა მოიგერია და "ნაპოლიმ" 3:1 მოიგო. "კვარას" თერთმეტმეტრიანი არ შეუსრულებია.
დღევანდელ დაპირისპირებაში მონაწილეობა არ მიუღია ოსიმენს, რომელიც კონტრაქტის გახანგრძლივების სანაცვლოდ სეზონურ გასამრჯელოდ 10 მილიონ ევროს ითხოვს - კლუბი თანახმაა 8 მილიონი, პლუს ბონუსები გადაუხადოს.
შემდეგ შეხვედრას „ნაპოლი“ 6 აგვისტოს „აუგსბურგთან“ ჩაატარებს.
კასტელ დი სანგრო. „ტეოფილო პატინი“
ნაპოლი - ჟირონა 1:1 (პენ 3:1)
გოლები: 0:1 სტუანი (13), 1:1 სიმეონე (42, პენ)
![alt](/pictures/image50/92dca93f6305bc693397415b4d86814e.jpg ""ნაპოლი" "ჟირონას" დაუზავდა - კვარაცხელია ტრავმას გადაურჩა")
მატჩის დღე! ხვიჩას კრიტიკა "მიზნის გასწორებაზე" და მუშაობა პოლიტანოს ალტერნატივაზე
იტალიელებიც წერენ რატომ უნდა გარისკონ ასეთ არაფრისმომცემ ამხანაგურ თამაშებშიო.
მთელი იტალიური პრესა წერს, რომ უხეშად ეთამაშებოდნენ და მუხლის ტრავმაზე იწერება, რომელიც ჯერ არ იციან რა სიმძიმისაა.
მარტო ქართველი თუ იღლიცინებს ასეთ რამეებზე.
გრცხვენოდეთ.
როგორ ჩასაფრებულია ერის ნაწილი რომ იქნებ რამე მაინც დაემართოს რომ მისი კარიერა უკან წავიდეს.
რამდენის დაუოკებელ სურვილს ვხედავ კომენტარებზე რომ ეტყობათ.
ყველა თამაშზე რაღაც სანახაობრივს აკეთებს და ვარჯიშებზეც სპეციალურად ხვიჩა არის ყურადღების ცენტრში რადგან მერე მისი ლამაზი ფინტები სოც ქსელებში გამოდონ რეიტინგისთვის. ძალიან კარგად თამაშობს ამხანაგურებსაც. წინა თამაშზე ასისტიც გააკეთა, თან არ ტვირთავს მწვრთნელი ამხანაგურებზე, 20 წუთი ათამაშებს ძირითადის ხალხს. ვერ გავიგე რა უნდათ ამ მართლა სოროდან გამომძვრალებს.
იიი გოლი ველ გაიტანაა :))
ამით შემოიფარგლება ამათი მწირი ინტელექტი და საფეხბურთო განათლება ?
ვან ბასტენი, ანრი, კარაგერი არ არიან ფეხბურთის მცოდნეები და ეგენი არიან, ოროსანი ექსპერტები კლავიატურის და დივნის :))
მდივანის ეკსპერტი ხარ