დებიუტში სტუმრები აშკარად უკეთ გამოიყურებოდნენ, თამაში სწრაფ ტემპში მიმდინარეობდა, პირველი მომენტები მასპინძლებმა შექმნეს, მაგრამ ვლაჰოვიჩმა და კიეზამ ვერ გამოიყენეს. კვარაცხელიას კამბიასო მეურვეობდა და წესების დარღვევითაც აჩერებდა. შემდეგ სწრაფი კონტრიერიშისას ოსიმენმა ხვიჩა მეკარე შესნისთან პირისპირ გაიყვანა და მან ბურთი მიზანს ააცილა. მერე შესნიმ სამიოდ მეტრიდან დი ლორენცოს არ გაატანინა, თუმცა თამაშგარე დაფიქსირდა. ტაიმის ბოლოს "კვარას" გატი ეუხეშა, გაბრაზებულმა ქართველმა ბურთი ზურგში ესროლა და ყვითელი ბარათი მიიღო.
მეორე ტაიმი ტურინელებმა აქტიურად დაიწყეს, საჯარიმოში ჩაწოდებულ ბურთზე ბრძოლა გატიმ რაჰმანის და დი ლორენცოს მოუგო და მერეტის კარი დალაშქრა. აქედან მოყოლებული ნეაპოლელებმა ინიციატივა დაიბრუნეს, ოსიმენს გოლი თამაშგარეს გამო არ ჩაუთვალეს, კვარაცხელიას დარტყმული ბურთი მცველმა დაბლოკა, დი ლორენცომ არაზუსტად დაარტყა და 86-ე წუთზე „კვარა“ სიმეონემ შეცვალა, ხოლო ანგარიში არ შეიცვალა, "იუვემ" გაიმარჯვა და გალიდერდა.
„ნაპოლი“ 24 ქულით ჯერჯერობით მეხუთე ადგილზეა და შემდეგ შეხვედრას 13 დეკემბერს ჩემპიონთა ლიგაზე „ბრაგასთან“ გამართავს.
ტურინი. „ალიანც სტადიუმი“
იუვენტუსი - ნაპოლი 1:0
გოლი: გატი (51)
დღეს "კვარა" და "მამარდა" ითამაშებენ - რომელ ტაქტიკურ სქემაში ვნახავთ ხვიჩას?
კვარა ასე უპასუხისმგებლო, უჯიგროდ თამაში არ შეიძლება!ორთაბრძოლებში არ შედის.ბურთის მიღება,დამუშავება და საბოლოო,დამაგვირგვინებელი დარტყმა კიდევ უფრო გაუარესდა.ოსიმენის პასი წინ გაექცა და შემდეგ კიდევ უხეირო დარტყმა....დისციპლინა მოშლილია.თამაშის ბოლოს გააქტიურდა, მაგრამ ეს თამაშის ბოლოს.ეს უკვე ჩავარდნა კი არა მძიმე რეგრესია.თავი ხელში თუ არ აიყვანა, მოუწევს თამაშის დაწყება სათადარიგოთა სკამიდან.