სამხრეთ კორეის "ულსან ჰიუნდაიმ" ოფიციალურად გვაუწყა, რომ ქართველი შემტევი გიორგი არაბიძე დაიმატა. ტრანსფერის სხვა დეტალები ამ დროისთვის უცნობია. 26 წლის ქართველმა თქვა, რომ ახალ გუნდში გადასვლით დიდ მოტივაციას გრძნობს. იცის იმის შესახებ, თუ რამხელა სიყვარული და პატივისცემა ჰქონდა "ულსანში" მის ქართველ წინამორბედ ვაკო ყაზაიშვილს.
გიორგიმ აღნიშნა, რომ ახლა მისთვის მთავარი ადაპტაცია და შემდეგში გუნდის გამარჯვებებში წვლილის შეტანაა.
არაბიძის დებიუტი ახალ გუნდში, სავარაუდოდ, 10 აგვისტოს სამხრეთ კორეის ჩემპიონატის 26-ე ტურში შედგება, სადაც "ულსანი" "დაეგუს" უმასპინძლებს.
![არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]](/pictures/image7/f9eac084cd5410eb8cae8f345983facd.jpg "არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]")
