"კვარა" თუ ნერესი? - კონტემ კითხვაზე უპასუხა

ნეაპოლური მედია „უდინეზესთან“ სტუმრად მოგებულ მატჩში (3:1), „ნაპოლის“ გარემარბის დავიდ ნერესის კარგ თამაშს აღნიშნავს. მაგალითად, spazionapoli წერს, რომ ბრაზილიელმა ტრავმირებული ხვიჩა კვარაცხელიას ნაცვლად იასპარეზა, შანსი გამოიყენა, რამეთუ მოედანზე ქართველისგან განსხვავებულ გადაწყვეტილებებს იღებდა და სოციალურ ქსელებში კამათი მიმდინარეობს, მომავალში რომელი უნდა დააყენოს მწვრთნელმა ანტონიო კონტემ ძირითად შემადგენლობაში.

Areanapoli-მ დავიდის გარჯას ფენომენალური უწოდა, რომ მან ყველას თავისი მოქმედებებით საუკეთესო პასუხი გასცა, რამეთუ დაპირისპირებისას თავისი გუნდისთვის მნიშვნელოვან მომენტში გადამწყვეტი როლი შეასრულა.

შეხვედრის შემდეგ ჩატარებულ პრესკონფერენციაზე კონტეს კითხვა დაუსვეს - შეგვიძლია თუ არა წარმოვიდგინოთ „კვარა“ და ნერესი ერთად სასტარტოში? ხაზგასმულია, რომ „ნაპოლის“ თავკაცის პასუხი ხვიჩასადმი მკაფიო გზავნილი გახლდათ:

„დავიდს ხშირად „კვარას“ და პოლიტანოს ვამჯობინებდი. მან ძირითად შემადგენლობაში ასპარეზობა დაიმსახურა და ეს ყველასათვის გაფრთხილება უნდა იყოს. ეს ბიჭი ბევრს ვარჯიშობდა, გაიუმჯობესა ფიზიკური მომზადება და დაცვასაც ეხმარებოდა. ჩენს გუნდში წინასწარ განსაზღვრული არაფერია. მომავალში ითამაშებს ის, ვინც უკეთეს ფორმაში იქნება და ამას დაიმსახურებს. თავის წარმოჩენის შესაძლებლობა ყველას აქვს“.

როგორი შეფასებები მიიღეს "ნაპოლის" ფეხბურთელებმა "უდინეზესთან" მატჩში?

ხვიჩას გარეშე - "ნაპოლიმ" "უდინეზეს" თამაში შემოუტრიალა