2018/19 წლების სეზონში უეფამ კლუბებისთვის თანხების გადანაწილების ახალი სისტემა დანერგა.
ახალი სისტემის შესახებ ჩვენ დეტალური ინფორმაცია უკვე მოგაწოდეთ, რომელიც ქვემოთ მოცემულ ბმულზე შეგიძლიათ იხილოთ.
უეფა და ფინანსები - რამდენს მიიღებენ ქართული კლუბები ევროთასებზეუეფას საკლუბო ტურნირებში მონაწილეობისა და სოლიდარობისთვის განკუთვნილი თანხების გადანაწილების ახალი სისტემის მიხედვით, ჩემპიონთა ლიგისა და ევროპა ლიგის კვალიფიკაციის მონაწილეებისთვის გადასახდელი თანხა საერთო შემოსავლის 3 პროცენტს და დამატებით ჩემპიონთა ლიგის კლუბების ფონდიდან 10 მლნ ევროს შეადგენს.
მოსალოდნელია, რომ საერთო შემოსავალი 3.25 მლრდ ევროს მიაღწევს. შესაბამისად, ამ თანხის 3
ჩემპიონთა ლიგისა და ევროპა ლიგის პირველი საკვალიფიკაციო ეტაპები უკვე მიილია და შეგვიძლია გავიგოთ, რამდენი გამოიმუშავეს ქართულმა კლუბებმა.
სამწუხაროდ, ორი ქართული გუნდი ევროთასებიდან უკვე გავარდა.
"სამტრედია" ყაზახურ "ტობოლთან" დაპირისპირებაში ორჯერ დამარცხდა. ჯერ შინ - 0:1 კომპენსირებულ დროში გაშვებული გოლით და შემდეგ სტუმრად - 0:2.
"სამტრედია" "ტობოლთან" სტუმრადაც დამარცხდა და ევროპა ლიგას გამოეთიშა [VIDEO]
"სამტრედია" "ტობოლთან" კომპენსირებულ დროში დამარცხდა [VIDEO]
ევროპა ლიგის პირველ საკვალიფიკაციო ეტაპზე მონაწილეობისთვის სამტრედიელებმა 240 ათასი ევრო მიიღეს. მორჩა, "სამტრედიას" მეტი სარგებელი არ მიუღია.
მეტად მტკივნეული იყო თბილისის "დინამოს" გამოვარდნა, რომელმაც ჯერ სტუმრად ფრე (1:1) ითამაშა სლოვაკურ "დუნაისკა სტრედასთან", სადაც მოგებაც კი შეეძლო, მათე ვაწაძეს ბოლო, დამატებულ წუთებში ხარიხისთვის რომ არ გაერტყა ბურთი. საპასუხო მატჩში კი დინამოელები ისევ დაწინაურდნენ, თუმცა შემდეგ სტუმრებმა ორი გოლი გაიტანეს და დამსახურებულად გავიდნენ შემდეგ ეტაპზე.
თბილისური ტრაგედია! "დინამო" ევროპა ლიგას გამოეთიშა [VIDEO]
"დინამომ" სლოვაკეთში სასურველ ფრეს მიაღწია, თუმცა მოგებაც შეეძლო [VIDEO]
"სამტრედიის" მსგავსად, "დინამოსაც" იგივე თანხა, 240 ათასი ერგო, თუმცა ერთი განსხვავება ისაა, რომ "დინამომ" სარეიტინგო ქულები მოიპოვა და სტუმრად მოპოვებული ფრის სანაცვლოდ 0.25 ბალი მიიღო.
უეფას საკლუბო რეიტინგის თანახმად, მოგებაზე 0.25 ქულაა, ხოლო ფრეზე - 0.125 ქულა.
ერთადერთი კლუბი, რომელიც 2018/19 წლების სეზონში ევროთასებზე არ დამარცხებულა, ჯერჯერობით საჩხერის "ჩიხურაა". სასიამოვნოდ გასაკვირი ამბავია, თუმცა აღსანიშნავია, რომ გასულ სეზონებში "ჩიხურა" შერცხვენილი არც მაშინ გამოსულა, მიუხედავად იმისა, რომ შემდეგ ეტაპზე ვერ გადადიოდა.
საჩხერელებმა მათზე ბევრად მდიდარი იერუსალიმის "ბეითარი" გამოაგდეს ევროპა ლიგის პირველი საკვალიფიკაციო ეტაპიდან. შინ გუნდებს შორის მატჩი უგოლო ფრით დასრულდა, ხოლო სტუმრად "ჩიხურამ" მეტოქე ანგარიშით 2:1 დაამარცხა და სპორტულ ზიანთან ერთად, ეკონომიკური დარტყმაც მიაყენა.
ინციდენტი "ჩიხურას" მატჩში და 1 მლნ ზარალი "ბეითარს" - იერუსალიმის კლუბი შოკშია
რა ხდებოდა "ჩიხურას" გასახდელში "ბეითართან" მოგების შემდეგ [VIDEO]
ყოჩაღ "ჩიხურა"!!! - "ბეითარს" სტუმრად თამაში შემოუტრიალა და ევროპა ლიგის შემდეგ ეტაპზე გავიდა [VIDEO]
"ჩიხურასა" და "ბეითარის" მატჩი უგოლოდ დასრულდა"ჩიხურამ" პირველ ეტაპზე მონაწილეობისთვის 240 ათასი ევრო მიიღო. გარდა ამისა, მეორე ეტაპზე მონაწილეობისთვის საჩხერელები 260 ათას ევროს მიიღებენ. გამოდის, რომ "ჩიხურას" უკვე მოპოვებული აქვს ნახევარი მლნ ევრო (1,433,975 ლარი).
ამასთან ერთად, კლუბმა ყველაზე მეტი სარეიტინგო ქულა მოიპოვა - 0.375.
"ჩიხურას" მეტოქე ევროპა ლიგის მეორე საკვალიფიკაციო ეტაპზე სლოვენიური "მარიბორი" იქნება.
"ჩიხურას" შემდეგი მეტოქე "მარიბორი" - გზა ლივერპულიდან საჩხერემდე მეორე ქართული გუნდი, რომელიც ევროთასებს შემორჩა, ქუთაისის "ტორპედოა", მაგრამ ამას უფრო უეფას ახალ ფორმატს უნდა ვუმადლოდეთ.
ქუთაისის "ტორპედომ" პირველი მატჩი შინ მოლდოვურ "შერიფს" 2:1 მოუგო, თუმცა შემდეგ სტუმრად 0:3 დამარცხდა, სადაც ნათლად გამოჩნდა მოლდოვური გუნდის სიძლიერე და ქართული გუნდის დონე.
"ტორპედო" "შერიფთან" უშანსოდ დამარცხდა - ნახვამდის ჩემპიონთა ლიგა [VIDEO]
არის! ქუთაისის "ტორპედომ" ტირასპოლის "შერიფი" დაამარცხა [VIDEO]
მიუხედავად ამისა, "ტორპედომ" ჯერჯერობით ყველაზე მეტი გამოიმუშავა. ჩემპიონთა ლიგის პირველ საკვალიფიკაციო ეტაპზე მონაწილეობისთვის ქუთაისელებს 280 ათასი ევრო ერგოთ, ხოლო ევროპა ლიგის მეორე საკვალიფიკაციო ეტაპზე მონაწილეობისთვის 260 ათასს ევროს მიიღებენ - ანუ ჯამში 540 ათასი ევრო (1,548,229 ლარი).
თუ გავითვალისწინებთ, რომ "ტორპედოს" მეტოქე ფარერების "ვიკინგური" იქნება და დიდი ალბათობით, ქართულმა გუნდმა ეს ბარიერი უნდა გადალახოს, მაშინ "ტორპედო" ევროპა ლიგის მესამე ეტაპზე მონაწილეობისთვის 280 ათას ევროს მიიღებს.
"ტორპედოს" მეტოქე 567-კაციანი სოფლიდან - რა ძალას წარმოადგენს "ვიკინგური"?რაც შეეხება სარეიტინგო ქულებს, ქუთაისელებმა 0.25 ქულა მოიპოვეს.
დასკვნა და შედეგი
პირველი საკვალიფიკაციო ეტაპის დასრულების შემდეგ ქართულმა გუნდებმა, საბოლოო ჯამში, გამოიმუშავეს:
- "სამტრედია" - 240 000 ევრო
- "დინამო" - 240 000
- "ჩიხურა" - 500 000
- "ტორპედო" - 540 000
აქედან გამომდინარე, ქართულმა კლუბებმა 1 520 000 მლნ ევრო უკვე გამოიმუშავეს ევროთასებზე, თუმცა ორი ქართული კლუბი ჯერ კიდევ მონაწილეობს ევროპა ლიგის საკვალიფიკაციოზე.
რაც შეეხება უეფას სარეიტინგო ქულებს:
- "სამტრედია" - 0 ქულა
- "დინამო" - 0.125
- "ტორპედო" - 0.25
- "ჩიხურა" - 0.375
უეფას ასოციაციების რეიტინგში გასულ სეზონში საქართველო 54-ე ადგილზე იყო. მაშინ ქართულმა კლუბებმა სულ რაღაც 0.125 ქულა მოაგროვეს, ამჟამად კი უკვე 0.75 ქულა აქვთ.
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
