ხვიჩა და საქართველო სხვა მასშტაბზე, წარსულის შესრუტვა, ოჯახის როლი და ოქროს ბურთი, როგორც მიზანი...

2024 წელს "ოქროს ბურთის" მფლობელი როდრი გახდა, ფიფას ვერსიით საუკეთესოობა კი ვინისიუსს ხვდა წილად. მოგეხსენებათ, გიორგი მამარდაშვილი ლევ იაშინის სახელობის საუკეთესო მეკარის პრიზზე იყო წარდგენილი და გამორჩეულების დაჯილდოებაზე ვიხილეთ.



გასულ წელს "ოქროს ბურთის" ნომინანტებში ხვიჩა კვარაცხელია იყო. ამას მაშინ წერილი მივუძღვენით, რასაც განმეორებით გთავაზობთ...

ფანტასტიკური ჟანრის ფილმებსა და მხატვრულ ნაწარმოებებში მფრინავ ავტომობილებს ხშირად ვხვდებით. ადამიანის ევოლუციური განვითარების მთავარი მიზანი ისაა, დაეუფლოს უფრო მეტს და მისწვდეს მიუწვდომელს. ამისთვის ბევრი შრომაა საჭირო და ძირს დანარცხების ქვეცნობიერ შიშსაც უნდა სძლიო. გარეთ ბეილი ამბობდა, რომ დასამალი არაფერი ჰქონდა, მადრიდის "რეალი" მისი ოცნების გუნდი იყო და როგორც კი საშუალება მიეცა, მათი წევრი გახდა. ხვიჩა კვარაცხელიასაც თავისი ოცნებები და მათი მიღწევისათვის საჭირო გზების მარშრუტი გააჩნია. ამ ლაბირინთებში პირველი კვანძი გახსნილია, ქართველი ფეხბურთელი უკვე ელიტის წევრია და თუკი ყველაფერი შესაბამისობაში გაგრძელდება, შორს არც კონკრეტულ ნომინაციაში მაღალი ადგილია და არც მისი სტაბილურობა. მართალია, აქ სხვადასხვა ფაქტორი მოქმედებს, თუმცა გეგმაში თავად "ოქროს ბურთიც" იყოს, "კვარასგან" ვერაფერს გამოვრიცხავთ!..



სულ იმაზე დამუნათება, რომ 1981 წლის გამარჯვებით ვხარობთ და მას თითქოს ვერაფერს ვძენდით, სამართლიანიც იყო და თანაც, ნაკლებად ობიექტურიც. ნებისმიერი მიღწევა მაინც წარსულის ფესვების ახალი სიცოცხლის მიცემასა და მის შესრუტვაშია. აქ ჯილდოზე ნიმინირებულები ქართველები ადრეც ვიყავით. სიხარულს ისიც აძლიერებს, რამდენიმე წლის წინ მსგავსს ვერაფრით რომ ვერ ვიფიქრებდით. ამიტომ, ოცნებები ხდება, უკვე სხვა მასშტაბებზე ვართ და ამისთვის მადლობა, ხვიჩა!

უფრო მეტი ვახსენეთ და კვარაცხელიას მასთან მიახლოება მხოლოდ და მუდამ ფეხბურთზე ფიქრით შეუძლია, რას მისთვის ორგანულია. იქნება უფრო მეტი და არავინ იცის, ვინ უფრო გახარებული იქნება - ხვიჩა, გულშემატკივრები თუ ჩვენი ფეხბურთის წარსული. ამით ახალი ერა დაიწყება. უმტკივნეულო გზა მხოლოდ ოცნებაა, ის კი, რასაც ამისკენ თითოეული გადის, მათ შორის, უკვე 8-გზის გამარჯვებული ლეო მესი, წარმოუდგენლად რთულ მომზადებას მოითხოვს. ბავშვობაში ნათქვამი სიტყვები შეიძლება ადამიანის მამოძრავებელი ძალა გახდეს. თუკი შენს ოცნებას ხშირად წარმოიდგენ, ის ადრე თუ გვიან აუცილებლად იქცევა რეალობად. ამისთვის, ალბათ, ბევრი შრომა და მიზნები, ერთგულება არის აუცილებელი და, ალბათ, კიდევ ცოტა იღბალიც.



ოჯახურ თანადგომას დიდი მნიშვნელობა აქვს. ვიცით სპორტსმენები, როგორც კი ოჯახური პრობლემები დაეწყოთ, ეს მათ კარიერაზეც აისახა. ცერემონიალზე ხვიჩას გვერდით მისი მეუღლე, ნიცა თავაძეც იყო. ძალიან კარგ წყვილს ნერვიულობა ემჩნეოდა და ეს ბუნებრივიც იყო. კვარაცხელია ამ მასშტაბის საღამოებზე ხშირად უნდა ვნახოთ და იმასაც დავინახავთ, კამერებთან გაცილებით გაშინაურებულები რომ იქნებიან. მესი ვახსენეთ და ფაკუნდო ფარიასზე უნდა ვთქვათ, რომელიც "ინტერ მაიამიში" გადავიდა და არგენტინელთან ერთად თამაშობს. 21 წლის ფეხბურთელი მოჰყვა, რომ მისმა ცოლმა ანხიმ უნივერსიტეტი მიატოვა, რათა ქმარს ლეგენდასთან ეთამაშა...

კვარაცხელია და ევროპული ფეხბურთი - ჯერ ყველაფერი წინაა!..

მესიმ "ოქროს ბურთი" მერვედ მოიპოვა - ყველა ნომინანტი დასახელდა [VIDEO]

ხვიჩა კვარაცხელიამ "ოქროს ბურთის" ნომინანტთა სიაში მე-17 ადგილი დაიკავა