კაცნაკლული თბილისის "დინამო" "მორნარს" დაუზავდა და გათამაშებას გამოეთიშა [VIDEO]

კონფერენს ლიგის პირველი საკვალიფიკაციო ეტაპის საპასუხო მატჩი თბილისის „დინამოსა“ და „მორნარს“ შორის 1:1 დასრულდა და ქართული გუნდი გათამაშებას გამოეთიშა.

მეცხრამეტე წუთზე ბოლო იმედის ჯარიმის გამო მსაჯმა უგრეხელიძე გააძევა და მასპინძლები, რომლებსაც პირველი შეხვედრა 1:2 ჰქონდათ წაგებული, მძიმე სიტუაციაში აღმოჩნდნენ. მიუხედავად რიცხობრივ უმცირესობაში დარჩენისა „დინამო“ ოქრიაშვილის წინამძღოლობით განუწყვეტლივ უტევდა და სხირტლაძის აქტიური მოქმედების შედეგად 16 წლის სალიამ პოპოვიჩის კარი დალაშქრა.

შესვენების შემდეგ ზორიჩმა სიმონისგან რიკოშეტით ანგარიში გაათანაბრა და გოლი ტრიბუნებთან მირბენით და გულშემტკივრების მიმართ გამაღიზიანებელი ჟესტით აღნიშნა. ფელდჰოფერის შეგირდები შეტევაზე გადავიდნენ და ხვადაგიანის დარტყმული ბურთი ძელს მოხვდა. მეტოქეს გაუთავებელი პაუზებით გაჰყავდა დრო და მიზანსაც მიაღწია.

თბილისი. „მიხეილ მესხი“
დინამო (თბ) - მორნარი 1:1
გოლები: 1:0 სალია (32), 1:1 ზორიჩი (57)
გაძევება: უგრეხელიძე (19)

დინამო (თბ): მაქაცარია, უგრეხელიძე, კალანდაძე, ხვდაგიანი, ბაგრატიონი, ოსიყმაშვილი (სამუშია 82), საიმონი (ლომინაძე 82), სალია (ცეცხლაძე 57), სანტისი (კადეტე 57), ოქრიაშვილი, სხირტლაძე (იობაშვილი (70)

1:2 "მორნართან". ფრესთანაც ახლოს ვიყავით - თბილისის "დინამოს" მომდევნო ეტაპზე გასვლა შეუძლია [VIDEO]