დღეს, 8 მარტს, ჩემპიონთა ლიგის ორი საპასუხო მერვედფინალური მატჩი გაიმართა.
„ბაიერნმა“ ავსტრიაში „ზალცბურგთან“ ფრეს (1:1) კომანის მიერ 90-ე წუთზე გატანილი გოლით მიაღწია, სახლში კი ლევანდოვსკიმ 23 წუთში ჰეთ-თრიკი შეუსრულა და საქმეც მოუთავა. ეს ტურნირის ისტორიაში ყველაზე სწრაფი ჰეთ-თრიკია. მის ანგარიშზე ამ სეზონში კლუბში 35 მატჩში 42 გოლია. საბოლოოდ „რეკორდმაისტერმა“ გამანადგურებელი გამარჯვება მოიპოვა და ისტორიაში მეოცედ გავიდა მეოთხედფინალში.
„ლივერპულს“ გასვლაზე „ინტერი“ 2:0 ჰყავდა დამარცხებული. „ენფილდზე“ მარტინესმა 61-ე წუთზე მილანური გუნდი დააწინაურა. მან ბოლო 2 შეხვედრაში 4-ჯერ დალაშქრა მეტოქეთა კარი, იქამდე კი 646-წუთიანი მშრალი სერია ჰქონდა. თუმცა 63-ე წუთზე სანჩესმა მეორე ყვითელი ბარათი მიიღო და რიცხობრივ უმცირესობაში დარჩნენ, შეტევა ვეღარ შეძლეს, მასპინძლებმა იერიშების მიტანა გააძლიერეს, სალაჰმა ბურთი ძელს გაარტყა, ანგარიში აღარ შეიცვალა და წაგების მიუხედავად, კლოპის გუნდმა ორი მატჩის ჯამში გაიმარჯვა.
ბაიერნი - ზალცბურგი 7:1
გოლები: 1:0 ლევანდოვსკი (12, პენ), 2:0 ლევანდოვსკი (21, პენ), 3:0 ლევანდოვსკი (23), 4:0 გნაბრი (31), 5:0 მიულერი (54), 5:1 კერგორი (70), 6:1 მიულერი (83), 7:1 სანე (85)
ლივერპული. „ენფილდი“. 51 747 მაყურებელი
ლივერპული - ინტერი 0:1
გოლი: მარტინესი (61)
გაძევება: სანჩესი (63)
![alt](/pictures/image50/95988b2cdabedb2ca68676562603bed4.jpg "ჩემპიონთა ლიგა. 1/8-ფინალი: დაუნდობელი "ბაიერნი" და "ლივერპულის" საშინაო მარცხი")
[PREVIEW] მცირე სენსაციის შემდეგ "ბაიერნი" "ზალცბურგს" მასპინძლობს, "ლივერპული" "ენფილდზე" "ინტერს" მიიღებს
