ტელე/რადიოკომპანია Cadena SER-ის რადიოპროგრამა El Larguero-მ წარმოადგინა დოკუმენტები, რომელთა მიხედვითაც, კომპანია I3 Ventures ფლობს იმ ექაუნთებს, რომელთა საშუალებითაც ინტერნეტში "ბარსას" პრეზიდენტ ბართომეუს მხარდამჭერი და ფეხბურთელების საწინააღმდეგო პოსტები ქვეყნდებოდა.
აღსანიშნავია, რომ I3 Ventures-თან მოქმედი კონტრაქტი აქვს გაფორმებული "ბარსელონას". აღნიშნული კომპანიის მფლობელობაში არსებული ექაუნთებიდან ბოლო პერიოდში აქტიურად მიმდინარეობდა ლეო მესის, ჟერარდ პიკესა და "ბარსას" სხვა ფეხბურთელების წინააღმდეგ მიმართული კამპანია.
"ბარსელონა" El Larguero-ს წინააღმდეგ გამოვიდა და ინფორმაციის შესწორება მოითხოვა, თუმცა საპასუხოდ რადიოგადაცემამ დამადასტურებელი დოკუმენტები წარმოადგინა. 36 დოსიეში ნათლად არის ნაჩვენები, რომ კრიტიკული პოსტების
ავტორი გვერდები I3 Ventures-ს ეკუთვნის.
აღსანიშნავია, რომ I3 Ventures-ის დირექტორი კარლოს იბანიესი "ბარსელონას" digital-სტრატეგიის ხელმძღვანელი და ბართომეუს მარჯვენა ხელია.
აქვე, "ბლაუგრანას" ყოფილმა პრეზიდენტმა ხუან ლაპორტამ ბართომეუსა და მმართველთა სრული შემადგენლობით გადადგომა მოითხოვა.
![alt](/pictures/image50/964311506767a1e473fefe3105c28012.jpg ""ბარსელონა" სკანდალის პირას: ბართომეუ "ბოტებს" მესისა და პიკეს წინააღმდეგ იყენებდა?!")
"ბარსელონამ" დანიელი ფორვარდის შეძენა გადაწყვიტა - 17 თებერვლის დაიჯესტი
![alt](/pictures/image50/dd3be47d397d2d9ec0baa683b9bb6864.jpg ""ბარსელონა" სკანდალის პირას: ბართომეუ "ბოტებს" მესისა და პიკეს წინააღმდეგ იყენებდა?!")
"ბარსელონამ" "ხეტაფეს" სძლია და "რეალს" დაეწია - დროებით? [VIDEO]
