მესი - "ბარსელონას" ზარალი თუ მარჩენალი?

უკანასკნელი დღეების განმავლობაში ესპანურ პრესაში ვრცელდება ინფორმაცია, რომ გუნდში თავდამსხმელ ლეო მესის ყოფნა ფინანსურად დამღუპველია. თუმცა მთლად ასე არ ყოფილა საქმე.

კომპანია Diagonal Inversiones-მა და რამდენიმე ფინანსისტმა გამოითვალეს, რომ 2017 წელს მესისთან კონტრაქტის განახლების შემდეგ "ბარსამ" 619.265 მილიონი ევროს ოდენობის შემოსავალი მიიღო. თან, აქ მიმდინარე სეზონი არ არის გათვალისწინებული.

ამავე პერიოდში ლეომ კლუბისგან 383.655 მილიონი მიიღო. ასე რომ, კატალონიურმა კლუბმა 235.61 მილიონი მოგება ნახა.

გამოკვლევა ადასტურებს, რომ მესი კლუბში შემოსავლების 30%-ის გენერაციას ახდენს.

"მესი კლუბის ბიზნესის ცენტრია. ამას როგორ აკეთებს?

გოლები გააქვს. გუნდში ყოფნით სპონსორულ ხელშეკრულებებს უზრუნველყოფს.

ამას დაამატეთ ის შემოსავლები, რომელთა ზუსტად დაანგარიშება ძნელია - ბილეთების და ატრიბუტიკის რეალიზაცია, ვიპ-ლოჟები", - განაცხადა Diagonal Inversiones-ის გენერალურმა დირექტორმა მარკ სირიამ.

alt მესის შთმბეჭდავი ხელფასი და სასამართლო - სპორტის ისტორიაში უდიდესი კონტრაქტი გაასაჯაროვეს