მადრიდის "რეალის" აწ უკვე ყოფილი ფეხბურთელი კაზემირო "სამეფო გუნდს" სოციალური ქსელის მეშვეობით ემოციურად დაემშვიდობა. როგორც იცით, გუშინ ბრაზილიელის ტრანსფერი "მანჩესტერ იუნაიტედში" გაოფიციალურდა.
"მე გავიარე წარმოუდგენელი გზა, რომელზეც მხოლოდ ოცნება შემეძლო. იმედი მაქვს, ერთ დღეს დავბრუნდები იმ ადგილას, რომელიც ჩემი სახლი გახდა.
ათასი სიცოცხლეც კი არ არის საკმარისი იმისთვის, რომ მადლობა გადავუხადო "რეალს" და კლუბის გულშემატკივრებს იმისთვის, რაც მომცეს.
სამუდამოდ... HALA MADRID!" - დაწერა 30 წლის ფეხბურთელმა.
