"შახტარის" გენერალური დირექტორი სერგეი პალკინი სოციალურ ქსელში გავრცელებულ ვიდეოს გამოეხმაურა, სადაც "ბარსელონას" ფეხბურთელები ალექს ბალდე და სერხი რობერტო რუს გულშემატკივრებს მადლობას უხდიან. ლა ლიგაში ჩემპიონობის შემდეგ კლუბმა ჩაწერა ვიდეო, სადაც ზემოთ აღნიშნული ორი მოთამაშე რუს ფანებს მხარდაჭერისთვის მადლობას უხდის, ამ ყველაფერს კი პალკინი შემდეგნაირად გამოეხმაურა:
"მიგვაჩნია, რომ ეს ყოველივე უბრალოდ შეუძლებელი და ამორალური ქმედებაა. რუსეთის მსგავსი ქვეყნისადმი მათი მხარდაჭერა ამჟამად აბსოლუტურად მიუღებელია.
ველოდებით, რომ კლუბი აღიარებს თავის შეცდომას და მომავალში თავიდან აიცილებს მსგავს ფაქტებს", - ციტირებს პალკინის სიტყვებს "შახტარის" საიტი.
![ჩემპიონთა ლიგა. VII ტური: აზაროვის მოპოვებული პენალტი - "შახტარმა" "ბრესტს" მოუგო [VIDEO]](/pictures/image7/8677a9adce75c319a4e3673514d40ba0.jpg "ჩემპიონთა ლიგა. VII ტური: აზაროვის მოპოვებული პენალტი - \"შახტარმა\" \"ბრესტს\" მოუგო [VIDEO]")
