El Gol Digital-ის ინფორმაციით, ხაბი ალონსო მომდევნო სეზონიდან "რეალის" ჩაბარებაზე თანახმაა, თუმცა ერთი პირობა აქვს. ესპანელმა მადრიდულ გუნდს შეუთვალა, რომ მისი ამჟამინდელი კლუბიდან შემტევი ფლორიან ვირცის ტრანსფერი განახორციელონ, რადგან ის გერმანელ ფეხბურთელში დიდ ტალანტს ხედავს.
ესპანურ მედიაში უკვე დიდი ხანია იწერება, რომ "ბლანკოსის" რიგებს სეზონის ბოლოს მოქმედი დამრიგებელი კარლო ანჩელოტი დატოვებს და მისი შეცვლის მთავარი კანდიდატიც სწორედ ალონსოა.
