დებიუტში მუხლის ტრავმა მიიღო სტუმართა ნახევარმცველმა პედრიმ, რომელიც ოლმომ შეცვალა. მატჩი გარდამავალი უპირატესობით მიმდინარეობდა, მომენტები ბევრი არ იქმნებოდა, თუმცა ესპანელები უფრო სახიფათოდ უტევდნენ და პირველი ტაიმი 0:0 დასრულდა. შესვენების შემდეგ ოლმომ იამალის გადაცემულ ბურთს ნოიერის კარში მიუჩინა ადგილი. ამას მასპინძელთა იერიშები მოჰყვა, რამდენიმე მომენტი ვერ გამოიყენეს, 89-ე წუთზე კი ვირტცმა ანგარიში გაათანაბრა და დამატებითი დრო დაინიშნა.
106-ე წუთზე მუსიალას დარტყმული ბურთი საჯარიმოში ხელზე კუკურელიას მოხვდა, მაგრამ მსაჯმა პენალტი არ დანიშნა, ხოლო შეცვლაზე შესულმა მერინომ ოლმოს პასით ნოიერს გაუტანა და ესპანეთი ნახევარფინალში გავიდა.
9 ივლისს, დელა ფუენტეს გუნდი ნახევარფინალში პორტუგალიასა და საფრანგეთს შორის გამარჯვებულს შეხვდება.
შტუტგარტი. „შტუტგარტ არენა“. 54 000 მაყურებელი
ესპანეთი - გერმანია 2:1 (ძირ. დრო)
გოლები: 1:0 ოლმო (51), 1:1 ვირტცი (89)
გაძევება: კარვახალი (125, ესპანეთი)
. დისკვალიფიკაციის გამო ლე ნორმანი, კარვახალი და მორატა ნახევარფინალში ვერ ითამაშებენ.
. ბუნდესგუნდის მეკარე ნოიერმა ევროპირველობებზე 39-ე მატჩი ჩაატარა და ამ მაჩვენებლით მხოლოდ რონალდოს ჩამორჩება (51).
. 16 წლის იამალმა ევრო 2024-ზე მესამე საგოლე გადაცემა გააკეთა და ნიდერლანდელ სიმონსთან ერთად საუკეთესო ასისტენტია.
საქართველოს ნაკრები ესპანეთთან დამარცხდა - "ჯვაროსნების" საოცარი თავგადასავალი ევრო 2024-ზე დასრულდა [VIDEO]
![ესპანეთი ჩემპიონია, მოიგო, ვისაც უნდა მოეგო - მიქაუტაძე "ოქროს ბუცის" მფლობელი გახდა! [VIDEO]](/pictures/image7/702e8e99cbaba44913bb7216250bd724.jpeg "ესპანეთი ჩემპიონია, მოიგო, ვისაც უნდა მოეგო - მიქაუტაძე \"ოქროს ბუცის\" მფლობელი გახდა! [VIDEO]")
![ესპანეთი-საფრანგეთი. 16 წლის იამალმა გაიტანა - ფეხბურთმა გაიმარჯვა [VIDEO]](/pictures/image7/7b3d1488cc24be3e207775d24b9a95dc.jpg "ესპანეთი-საფრანგეთი. 16 წლის იამალმა გაიტანა - ფეხბურთმა გაიმარჯვა [VIDEO]")
1. კროოსი იყო გასაგდები.
2. მორატაზე იყო პენალტი (წაიკითხეთ წესები მაისურის მოქაჩვაზე).
3. კუკურელიას მომენტამდე იყო თამაშგარე (უკვე არსებობს ინტერნეტში უტყუარი კადრები და თავად მოიძიეთ).
4. კუკურელიას ხელი, ისევ და ისევ დღეს მოქმედი წესების მიხედვით, არ არის პენალტი! (აქაც გირჩევთ წესები მოიძიოთ და წაიკითხოთ როგორ ხელით თამაშზე ინიშნება პენალტი).
5. მსაჯმა თვითნებურად და წესების დარღვევით "გადაამატა" 2 წუთი.
პ.ს. მორატას მომენტი ჩვენთან არ იყო პასიური თამაშგარე (ისევ და ისევ წესების მიხედვით) და ამიტომ როდრის გოლი არ უნდა ჩათვლილიყო.