იტალიური "ნაპოლი" "ლილის" ფეხბურთელებით, გაბრიელითა და ვიქტორ ოსიმენით გაძლიერებას აპირებს. ინფორმაციას Football Italia ავრცელებს და მისივე ცნობით, გუნდი ჯამში 100 მილიონ ევროს გადადებს მათი ტრანსფერისთვის.
22 წლის მცველი გაბრიელი 30 მილიონ ევროდ ფასდება. იტალიურ კლუბში მას კალიდ კულიბალის შემცვლელად მოიაზრებენ.
ოსიმენში კი "ნაპოლის" 70 მილიონი ევროს გადახდა მოუწევს, თუმცა ტრანსფერის პირობები ჯერჯერობით შეუთანხმებელია. კლუბი ნიგერიელს პირად კონტრაქტს გაუფორმებს.
ადრე გავრცელდა ინფორმაცია, რომ ოსიმენით "ტოტენჰემ ჰოთსპური" და "ნიუკასლი" არიან დაინტერესებულნი.
