Il Mattino-ს ინფორმაციით, ვიქტორ ოსიმენი თავს კარგად გრძნობს და მოედანზე "ლეჩესთან" დაბრუნება სურს.
შეგახსენებთ, ნიგერიელ ფორვარდს საზარდულის ტრავმა აწუხებდა, თუმცა, როგორც ჩანს, ვიქტორი დაბრუნდა და საკუთარ გუნდს წარმატებაში დაეხმარება.
მიუხედავად ოსიმენის გამოჯანმრთელებისა, სამედიცინო შტაბი ფეხბურთელს თამაშის უფლებას არ აძლევს.
"ვიქტორის მსგავსი სტილის ფორვარდისთვის კუნთებისა და საზარდულის პრობლემა საშიშია და თუ ბოლომდე არ გამოკეთდა, მისი თამაში სარისკოა" - წერს გამოცემა.
დიდი ალბათობით, ოსიმენი "ლეჩესთან" მატჩს გამოტოვებს, 12 აპრილს ჩემპიონთა ლიგის მეოთხედფინალური ეტაპის პირველ შეხვედრაში კი "მილანთან" სათადარიგო სკამზე იქნება და სპალეტი
საჭიროების შემთხვევაში გამოიყენებს.
შეგახსენებთ, "ნაპოლი" "ლეჩეს" ხვალ, 7 აპრილს, თბილისის დროით 21:00 საათზე შეხვდება.
![კვარაცხელიას გადაცემა ლუკაკუმ ვერ გამოიყენა - "ნაპოლიმ" "პალერმო" გაანადგურა [VIDEO]](/pictures/image7/2483f258465aff68ac1fba14eec4441c.jpg "კვარაცხელიას გადაცემა ლუკაკუმ ვერ გამოიყენა - \"ნაპოლიმ\" \"პალერმო\" გაანადგურა [VIDEO]")
