აფრიკის თასზე ფავორიტად მიჩნეული ნიგერიის ნაკრები ფინალში მოულოდნელად მასპინძელ კოტ-დ’ივუართან 1:2 დამარცხდა და ვერცხლის მედლებს დასჯერდა. მიუხედავად ამისა, ქვეყნის პრეზიდენტმა ბოლა ახმედ ადეკუნლე ტინუბუმ ეროვნული გუნდი ლაგოსში მიიღო, ფეხბურთელები ორდენებით დააჯილდოვა და თითოეული მათგანი მიწის ნაკვეთით და ბინით დაასაჩუქრა.
ნიგერიელთა თავდამსხმელმა ვიქტორ ოსიმენმა ტურნირზე მხოლოდ ერთი გოლი გაიტანა, კოჭ-წვივის ტრავმა მიიღო და ნაწლავური ინფექციით დაავადდა. SKY Sport-ის ცნობით, ის ოთხშაბათს ნეაპოლში ვერ დაბრუნდება, შაბათს ჩაფრინდება, სამედიცინო შემოწმებას გაივლის, გუნდს "ჯენოასთან" მატჩში ვერ დაეხმარება და "ბარსელონასთან" ჩემპიონთა ლიგის პირველ მერვედფინალურ მატჩში მონაწილეობის მიღების
უფლებას იმ შემთხვევაში მისცემენ, თუ ჯანმრთელად იქნება.
"ნაპოლი" ისედაც ვერაა კარგ სიტუაციაში, ოსიმენის იმედი ჰქონდა და შეიძლება მან მომავალ მნიშვნელოვან შეხვედრებში ვერ იასპარეზოს.
ელმასი: რატომ დავტოვე "ნაპოლი"? - გერმანიაში მშვიდად ცხოვრების საშუალება მომეცა
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
