Il Mattino-ს ცნობით, "ლაციომ" "ნაპოლის" შეიძლება გუნდის კაპიტანი ჩირო იმობილე ჯოვანი სიმეონეში გაუცვალოს.
"ლაციოს" გულშემატკივრები იმობილეს თამაშით უკმაყოფილოები არიან და ახალი მწვრთნელი იგორ ტუდორი მისი გასხვისების წინააღმდეგი არაა. ჩიროს აგრეთვე კარიერის საუდის არაბეთში გაგრძელების ვარიანტი აქვს. თავის მხრივ, სათამაშო დროის სიმცირის გამო სიმეონეს გუნდის გამოცვლა სურს.
34 წლის იმობილეს რომაულ კლუბთან კონტრაქტი 2026 წლის ზაფხულამდე აქვს გაფორმებული, ამ სეზონში ყველა ტურნირზე 38 მატჩში 10 გოლი გაიტანა და 1 საგოლე გადაცემა გააკეთა. Transfermarkt-ის მიხედვით, მისი ფასი 7 მილიონი ევროა და არაა
გამორიცხული, "ნაპოლიში" ვიქტორ ოსიმენი შეცვალოს.
28 წლის სიმეონეს ანგარიშზე ამ სეზონში ყველა ტურნირზე 31 შეხვედრაში 3 გოლი და 1 საგოლე პასია, "ნაპოლისთან" ხელშეკრულებით 2026 წლის ზაფხულამდეა დაკავშირებული, ხოლო მისი სატრანსფერო ღირებულება 13 მილიონ ევროს შეადგენს. გამოცემის მტკიცებით, ტუდორს ძალიან უნდა, არგენტინელი თავის გუნდში გადაიყვანოს.
![alt](/pictures/image50/0109269780ff44024e8df1d0b97af48f.png "დიდი გაცვლა - "ნაპოლიმ" შეიძლება "ლაციოს" კაპიტანი დაიმატოს")
"ბოლო 48 საათში რაღაცები შეიცვალა" - დე ლაურენტისმა კონტე მაინც დაითანხმა?
