![](https://sportall.ge/pictures/image5/68ce577f30bbfdf3f0a3a44d0261e1de.jpg)
გუშინ "ნაპოლისა" და "ფროზინონეს" ფრედ დასრულებულ მატჩს (2:2) ნეაპოლური გუნდის ყოფილი და იტალიის ნაკრების ამჟამინდელი მწვრთნელი ლუჩანო სპალეტი დაესწრო.
რაც "ნაპოლი" დატოვა, სპალეტი პირველად მივიდა "დიეგო მარადონაზე" და გულთბილი შეხვედრაც მოუწყვეს: სტადიონის დიქტორმა გამოაცხადა, რომ ტრიბუნაზე განსაკუთრებული სტუმარი იმყოფებოდა, ის ტაბლოზე გამოაჩინეს, მაყურებლები ფეხზე წამოუდგნენ და ოვაციები გაუმართეს.
![სპალეტის სიხარულის და სიმწრის ცრემლები "მარადონაზე" - რა იხილა გუშინ ლუჩანომ? Sportall.Ge](/pictures/artimages/original/0211851d74fe8c0035e60baf7f0653ec.jpg)
ლუჩანოს თვალზე ცრემლები მოადგა და შემდეგ იხილა, რა დღეში ჩააგდეს თავისი ყოფილი გუნდი - არასრულ სეზონში მესამე მწვრთნელის დანიშვნით და უაზრო ტრანსფერებით.
ნამატჩევს "სკუადრა აძურას" თავკაცი თავის საყვარელ რესტორან Cicciotto a Marechiaro-ში
წავიდა და იქაც ყურადღების ცენტრში მოექცა. მას ყველა ესალმებოდა, სურათის გადაღებას და ავტოგრაფებს სთხოვდა, თავად კი მშვენიერ ხასიათზე გახლდათ, ნეაპოლელებს სიყვარულში გამოუტყდა და რესტორნის მზარეულებს კერძები შეუქო.