უკრაინის ფეხბურთის ფედერაციის პრეზიდენტმა ანდრეი პაველკომ განაცხადა, რომ რუსეთში მსოფლიოს ჩემპიონატზე არ გაემგზავრება:"არა, მე არავითარ შემთხვევაში არ წავალ მუნდიალზე. ეს მიუხედავად იმისა, რომ რთულ სიტუაციაში ვიმყოფები - ფიფას სადისციპლინო კომიტეტის წევრი ვარ. ჩემი იქ ყოფნა აუცილებელია, მაგრამ საპატიო მიზეზის გამო რუსეთში არ გავემგზავრები. მე შინაგანი მორალური გადაწყვეტილება მივიღე და ამას არ გადავაბიჯებ. ჩვენ რომ მსოფლიოს ჩემპიონატზე გავსულიყავით, სულ სხვა საქმე იქნებოდა".
შეგახსენებთ, უკრაინა მუნდიალის პლეი-ოფში ხორვატიასთან დამარცხდა.
