მუნდიალი. B ჯგუფი: როცა ესპანეთსა და პორტუგალიას მაროკო ემუქრება...

მსოფლიო ჩემპიონატის დაწყებამდე სულ უფრო ცოტა დრო რჩება, მსოფლიოს მთავარი საფეხბურთო ფორუმი 14 ივნისს გაიხსნება.

B ჯგუფში შემდეგი გუნდები ასპარეზობენ: ესპანეთი, პორტუგალია, მაროკო და ირანი.

ამ ჯგუფში ფავორიტი ესპანეთის ნაკრებია, რომელსაც ყველა პოზიციაზე დიდი კონკურენცია აქვს და მეტოქეებისგან განსხვავებით, იდეალურად არის დაკომპლექტებული.

თუმცა პორტუგალიას კრიშტიანო რონალდო ჰყავს. მისი ფაქტორი ხშირ შემთხვევაში გადამწყვეტია და ვერც იმას ვიტყვით, რომ პორტუგალია ესპანეთს პირველობას დაანებებს.

ამავდროულად, ამ ჯგუფში კიდევ ერთი საკმაოდ ძლიერი გუნდია, დღევანდელი მაროკოს ნაკრები ვარსკვლავებით არის დაკომპლექტებული და არცერთ გუნდს არ ელის მათთან მარტივი შეხვედრა. მაროკო ახალგაზრდა და საკმაოდ პერსპექტიული გუნდია, რომელსაც ნამდვილად ძალუძს სენსაციის შემოთავაზება. მოკლედ, მაროკო ორივე ლიდერისთვის დიდი თავის ტკივილი იქნება.

ირანს კი, ალბათ, ისიც დააკმაყოფილებს, რომ მსოფლიო ჩემპიონატზეა და ვარსკვლავურ ნაკრებს დაუპირისპირდება.

პორტუგალია
მთავარი მწვრთნელი: ფერნანდო სანტუში
ფიფას რეიტინგი: მე-4 ადგილი
მსოფლიო ჩემპიონატში მონაწილეობა: 6-ჯერ
საუკეთესო მაჩვენებელი: მესამე ადგილი 1966 წელს
ვარსკვლავი: კრიშტიანო რონალდო
ფასი "ტრანსფერმარკეტზე": 421 მილიონი

შემადგენლობა

მეკარეები: ანტონი ლოპეში ("ლიონი"), ბეტუ ("გიოზთეფე), რუი პატრისიუ ("სპორტინგი").

მცველები: ბრუნუ ალვეში ("რეინჯერსი"), სედრიკ სუარეში ("საუთჰემპტონი"), ჟოზე ფონტე ("დალიან იფანი), მარიუ რუი ("ნაპოლი"), პეპე ("ბეშიქთაში), რაფაელ გერეირუ ("დორტმუნდი"), რიკარდუ პერეირა ("პორტუ"), რუბენ დიასი ("ბენფიკა").

ნახევარმცველები: ადრიენ სილვა ("ლესტერი"), ბრუნუ ფერნანდეში ("სპორტინგი"), ჟოაუ მარიუ ("ვესტ ჰემი"), ჟოაუ მოუტინიუ ("მონაკო"), მანუელ ფერნანდეში ("ლოკომოტივი"), ვილიამ კარვალიუ ("სპორტინგი"), ბერნარდუ სილვა ("მანჩესტერ სიტი").

თავდამსხმელები: ანდრე სილვა ("მილანი"), კრიშტიანო რონალდო ("რეალი"), ჟელსონ მარტინში ("სპორტინგი"), გონსალუ გუედეში ("ვალენსია"), რიკარდუ კუარეჟმა ("ბეშიქთაში").

ესპანეთი
მთავარი მწვრთნელი: ხულენ ლოპეტეგი
ფიფას რეიტინგი: მე-8 ადგილი
მსოფლიო ჩემპიონატში მონაწილეობა: 14-ჯერ
საუკეთესო მაჩვენებელია: 2010 წელს მსოფლიო ჩემპიონატის მოგება
ვარსკვლავი: სერხიო რამოსი
ფასი "ტრანსფერმარკეტზე": 931 მილიონი.

შემადგენლობა:

მეკარეები: დავიდ დე ხეა (მანჩესტერი), პეპე რეინა (ნაპოლი), კეპა არიზაბალაგა (ბილბაო)

მცველები: დანი კარვახალი (რეალი), ალვარო ოდრიოზოლა (სოსიედადი), ჟერარდ პიკე (ბარსელონა), სერხიო რამოსი (რეალი), ნაჩო (რეალი), სესარ ასპილიკუეტა (ჩელსი), ჟორდი ალბა (ბარსელონა), ნაჩო მონრეალი (არსენალი)

ნახევარმცველები: სერხიო ბუსკეტსი (ბარსელონა), საულ ნიგეზი (ატლეტიკო), კოკე (ატლეტიკო), ტიაგო ალკანტარა (ბაიერნი), ანდრეს ინიესტა (ბარსელონა), დავიდ სილვა (სიტი), ისკო ალარკონი (რეალი), მარკო ასენსიო (რეალი), ლუკას ვასკესი (რეალი)

თავდამსხმელები: იაგო ასპასი (სელტა), როდრიგო (ვალენსია), დიეგო კოშტა (ატლეტიკო)

მაროკო
მთავარი მწვრთნელი: ერვე რენარდი
ფიფას რეიტინგი: 42-ე ადგილი
მსოფლიო ჩემპიონატში მონაწილეობა: 4-ჯერ
საუკეთესო მაჩვენებელი: მერვედფინალი 1986 წელს
ვარსკვლავი: მეჰდი ბენატია
ფასი "ტრანსფერმარკეტზე": 110 მილიონი

შემადგენლობა

მეკარეები: მუნირ მოჰამედი (ნუმანსია), იასინ ბუნუ (ჟირონა), აჰმედ რედა ტაგნუტი (ირ ტაგნერი)

მცველები: მედჰი ბენატია (იუვენტუსი), ნაბილ დირარი (ფენერბახჩე), მანუელ და კოსტა (ბაშაკშჰეჰირი), რომაინ საისი (ვულვზი), ბადრ ბენუნი (რახა კასაბლანკა), აჩრაფ ჰაკიმი (რეალი), ჰამზა მენდილი (ლილი)

ნახევარმცველები: მბარკ ბუსუფა (ალ-ჯაზირა), კარიმ ელ აჰმადი (ფეიენოორდი), იუსუფ აიტ ბენასერი (კაენი), იუნეს ბელანდა (გალათასარაი), ს. ამრაბატი (ფეიენოორდი), ფაისალ ფაირი (ხეტაფე), ამინ ჰარიტი (შალკე)

თავდამსხმელები: ხალიდ ბუტაიბი (მალათიასფორი), აზიზ ბუადიზი (სანქტ-პაული), აიუბ ელ კააბი (ბერკანი), ნორდინ ამრაბატი (ლეგანესი), მეჰდი კარსელა-გონსალესი (სტანდარტი), ჰაკიმ ზიეხი (აიაქსი)

ირანი
მთავარი მწვრთნელი: კარლოს კეირუში
პოზიცია ფიფას რეიტინგში: 36-ე ადგილი
მსოფლიო ჩემპიონატში მონაწილეობა: 4-ჯერ
საუკეთესო მაჩვენებელი: ჯგუფური ეტაპი
ვარსკვლავი: სარდარ აზმუნი
ფასი "ტრანსფერმარკეტზე": 38 მილიონი

შემადგენლობა

მეკარეები: მოჰამარაშიდ მაზაჰერი ("ზობ აჰანი"), ამირ აბედზადე ("მარიტიმუ"), ალირეზა ბაირავანდი ("პერსეპოლისი"), ჰოსეინ ჰოსეინი ("ესტეღლალი").

მცველები: ჯალილ ჰოსეინი, მოჰამედ ანსარი (ორივე "პერესპოლისი"), სტივენ ბეითაშური ("ლოს ანჯელეს გელექსი), რამინ რეზაიანი ("ოსტენდე"), ვურია გაფური, საიდ აგაეი (ორივე "სეპაჰანი"), მოჰამედ რეზა ჰანზადე ("ფოლადი"), მილად მოჰამადი ("ახმატი"), პეჯმან მონტაზერი, ომიდ ნურაფქანი, მაჯიდ ჰოსეინი, რუხბეჰ ჩეშმი (ყველა "ესტეღლალი"), მორთეზა პურალიგანჯი ("ალ-სადი, ყატარი).

ნახევარმცველები: სეიდ ეზატოლაჰი ("ამკარი"), მასუდ შოჯაენი (აეკ), სამან გოდოსი ("მალმიო"), აშქან დეჟაგა ("ნოტინგემ ფორესტი"), აჰმად აბდულზადე ("დოლადი"), ომიდ ებრაჰიმი ("ესტეღლალი"), მეჰდი ტორაბი, ალი გოლიზადე (ორივე "საიპა"), სორუშ რაფიეი ("ტრაქტორ საზი"), ეჰსან ჰაჯსაფი ("ოლიმპიაკოსი"), ალი კარიმი ("სეპაჰანი"), ვაჰიდ ამირი ("პერსეპოლისი").

თავდამსხმელები: კარიმ ანსარიფარდი ("ოლიმპიაკოსი"), სარრად აზმუნი ("რუბინი"), რეზა გოჩანეჯადი ("ჰერენვენი"), ალირეზა იახანბაში ("ალკმაარი"), მეჰდი თერიმი ("ალ-გარაფა"), კავე რეზაეი ("შარლერუა").


მატჩების განრიგი:

15 ივნისი: მაროკო - ირანი, სანკტ-პეტერბურგი, სანკტ-პეტერბურგის არენა
15 ივნისი: პორტუგალია - ესპანეთი, სოჭი, ფიშტის სტადიონი
20 ივნისი: პორტუგალია - მაროკო, მოსკოვი, ლუჟნიკის სტადიონი
20 ივნისი: ირანი - ესპანეთი, ყაზანი, ყაზანის არენა
25 ივნისი: ესპანეთი - მაროკო, კალინგრადი, კალინგრადის სტადიონი
25 ივნისი: ირანი - პორტუგალია, სარანსკი, მორდოვია არენა

მუნდიალი. A ჯგუფი: რუსეთი ოცნებობს - "ოღონდ სალაჰი არა!"

როგორი სტადიონებით ხვდება რუსეთი მსოფლიო ჩემპიონატს? [VIDEO]