ფინალი
საფრანგეთი
4
2
ხორვატია
მესამე ადგილისთვის
ბელგია
2
:
0
ინგლისი
more

მუნდიალი 2018: აი, ესაა გერმანიის ნაკრები, შემართული და სწორუპოვარი! [VIDEO]

AutoSharing Option
მსოფლიოს ჩემპიონატის ჯგუფური ეტაპის მეორე ტურში გერმანიამ შვედეთი 2:1 დაამარცხა.

პირველ ტურში დამარცხების შემდეგ გერმანიის ნაკრების მწვრთნელმა იოახიმ ლიოვმა გულშემატკივრები დაამშვიდა და განაცხადა, რომ ჯგუფში არც ერთ შემთხვევაში არ ჩარჩებიან. მან სათადარიგოთა სკამზე იოზილი დატოვა, რაც მსოფლიოსა და ევროპის ჩემპიონატებზე არასოდეს არ მომხდარა.

ბუნდესგუნდმა თავიდანვე დიდი ძალებით შეუტია და ექტორის დარტყმული ბურთი კარის ხაზიდან მცველმა ლუსტიგმა გამოიტანა. "ტრე კრუნური" დაცვაში იდგა და კონტრიერიშების იმედად იყო. ჰქონდა კიდეც შანსი, როდესაც რუდიმ შეცდომა დაუშვა და გოლის გატანა პირისპირ გასულ ბერგს ნოიერმა არ
დაანება.

25-ე წუთზე ცხვირი გაუტყდა რუდის, სისხლდენა ვერ შეუჩერეს და გიუნდოგანმა შეცვალა. მორიგი კონტრშეტევისას კი ტოივონენმა ანგარიში გახსნა. 39-ე წუთზე გიუნდოგანის დარტყმული ბურთი რიკოშეტით კარში წავიდა, მაგრამ ჯერ მეკარემ მოიგერია, მერე კი ლუსტიგმა. ზედ შესვენებაზე გასვლის წინ კი ნოიერმა ბერგის დარტყმული ბურთი მოიგერია.

მეორე ტაიმში ლიოვმა შეტევის გასამწვავებლად დრაქსლერი გომესით შეცვალა, 49-ე წუთზე როისმა ანგარიში გაათანაბრა და დაიწყო გერმანელთა შტურმი: ექტორმა, როისმა და ვერნერმა ვერ გამოიყენეს მომენტები, 82-ე წუთზე კი მსაჯმა მეორე ყვითელი ბარათი უჩვენა ბოატენგს და ბუნდესგუნდი რიცხობრივ უმცირესობაში დარჩა. ლიოვი ბოლოს ვა-ბანკზე წავიდა და ექტორის ნაცვლად შეცვლაზე ბრანდტი შეუშვა. მერე გომესის თავური ოლსენმა მოიგერია, ბრანდტის დარტყმული ბურთი ძელს მოხვდა და სულ ბოლოს კროოსმა სასწაული გოლით სასწაული გამარჯვება მოუპოვა თავის გუნდს.

აი, ეს იყო დიდი ფეხბურთი, რომელშიც ფეხბურთმა გაიმარჯვა.
F ჯგუფი. შაბათი. 23 ივნისი. სოჭი. "ოლიმპიისკი". 44 287 მაყურებელი
გერმანია - შვედეთი 2:1
გოლები: 0:1 ტოივონენი (32), 1:1 როისი (49), კროოსი (90+5)
გაძევება: ბოატენგი (82)

გერმანია: ნოიერი, ბოატენგი, რუდიგერი, კიმიჰი, კროოსი, რუდი (გიუნდოგანი 30), ექტორი (ბრანდტი 86), დრაქსლერი (გომესი 46), მიულერი, როისი, ვერნერი

შვედეთი: ოლსენი, გრანკვისტი, ლუსტიგი, ლინდელოფი, აუგუსტინსონი, ლარსონი, ეკდალი, ფორსბერგი, კლაესონი (დურმაზი 74), ბერგი (ტელინი 90), ტოივონენი (გვიდეტი 77)
მკითხველის კომენტარები / 7 /
გერმანია ჩემპიონია!!!!!!
თბილისელი
12:09 24-06-2018
10
შთაბეჭდილება მრჩება, რომ მწვრთნელს ძირითადი შემადგენლობა არა ჰყავს შერჩეული. აშკარად ძველს ენდობა,არა ახლებს აშკარად შეუძლიათ მეტი სიმწვავე შემატონ გუნდის თამაშს.და კიდევ ერთი - ასე ბოლო წუთზე გერმანიამ თამაში როდის მოიგო, აღარ მახსოვს
გგგ
12:03 24-06-2018
0

სიახლეები პოპულარული