არგენტინაში მსოფლიო ჩემპიონატის ფინალის დაწყებამდე 2 საათით ადრე ბიჭი დაიბადა, რომელსაც "ალბისელესტეს" ფეხბურთელების პატივსაცემად სამი სახელი - ლიონელი, ენცო და ხულიანი დაარქვეს, მამის გვარი კი ალტამირანო გახლავთ. ბავშვის დედამ აღნიშნა, რომ სახელები ენცო და ხულიანი ჯერ კიდევ ჯგუფურ ეტაპზე მექსიკასთან მატჩამდე მოიფიქრა, ლიონელს კი იმ შემთხვევაში დაამატებდა, თუ არგენტინა მუნდიალს მოიგებდა.
საბოლოოდ, სკალონის გუნდმა ნანატრი თასი ასწია, ბავშვს სახელი კი ლიონელ მესის, ენცო ფერნანდესისა და ხულიან ალვარესის პატივსაცემად დაარქვეს.
