ტიერი ანრიმ საფრანგეთის ოლიმპიური ნაკრების მთავარი მწვრთნელის თანამდეობა დატოვა. ამის შესახებ ინფორმაცია ადგილობრივ ფეხბურთის ფედერაციაში უკვე დაადასტურეს. ლეგენდარულ თავდამსხმელს კონტრაქტი 2025 წლამდე აკავშირებდა, მაგრამ პირადი მიზეზების გამო ეს გადაწყვეტილება მიიღო.
ანრის ხელმძღვანელობით საფრანგეთის ოლიმპიური ნაკრებმა 2024 წელს ვერცხლის მედლები მოიგო და პარიზში გამართულ ფინალურ შეხვედრაში ესპანეთთან დამატებით დროში 5:3 დამარცხდა.
