ფიფას მიერ მსოფლიოს საუკეთესო კაც ფეხბურთელად "ბარსელონას" თავდამსხმელ ლეო მესის დასახელებას ნიკარაგუელთა, სუდანელთა და ეგვიპტელთა პროტესტი მოჰყვა. მათ ფიფამ არგუმენტირებულად უპასუხა.
ფიფამ უარყო ნიკარაგუის ნაკრების კაპიტნის, ხუან ბარერას ბრალდება, თითქოს სეზონის საუკეთესო ფეხბურთელის დასახელებაში მონაწილეობა არ მიუღია და მისი ხმა მესის მისცეს.
ფიფამ ბარერას მიერ შევსებული ბიულეტენის ფოტო გამოაქვეყნა, სადაც ნათლად ჩანს, რომ მან სამეულში მესი, სადიო მანე და რონალდო დაასახელა. დოკუმენტს თან ახლავს ფეხბურთელის ხელმოწერა და "ამშვენებს" ფეხბურთის ფედერაციის ბეჭედი.
რაც შეეხება ეგვიპტელთა პროტესტს - მათი ბიულეტენები არ მიიღეს არასწორად
შევსების გამო (შესრულებულია მთავრული ასოებით, რაც დაუშვებელია). მიუხედავად იმისა, რომ ფიფამ ორჯერ შეახსენა და მიუთითა, როგორ შეევსოთ ბიულეტენები, ეს ვერაფრით ვერ მოახერხეს. შეცდომების გარდა, ეგვიპტელთა დოკუმენტს არ ჰქონდა ფედერაციის გენერალური მდივნის ხელმოწერა.
ფიფამ იგივე განაცხადა სუდანელთა პროტესტთან დაკავშირებით.
ასე რომ, ფიფას მტკიცებით, საქმე სიცრუესთან და ელემენტარულ დილეტანტიზმთან გვაქვს.
შეგახსენებთ, ფიფას ვერსიით, მსოფლიოს საუკეთესო ფეხბურთელი ლიონელ მესი გახდა.
სკანდალი გრძელდება: ნიკარაგუის კაპიტანს სუდანის მწვრთნელი და ეგვიპტელები დაემატნენ [PHOTO]
ნიკარაგუელი ფეხბურთელი ფიფას მესის სასარგებლოდ ხმების გაყალბებაში ადანაშაულებს
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
