U21: საქართველოს ნაკრების უჩვეულო მაისური და მარცხი მონტენეგროსთან [VIDEO]

დღეს, 12 ივნისს, საქართველოს 21-წლამდელთა ნაკრებმა, რომელიც ევროპის ჩემპიონატის შესარჩევი ციკლისთვის ემზადება, საერთაშორისო ამხანაგური შეხვედრა სტუმრად მონტენეგროში, ადგილობრივ თანატოლთა გუნდთან ჩაატარა. მატჩი მასპინძელთა გამარჯვებით, ანგარიშით 3:2 დასრულდა.

გია გეგუჩაძის შეგირდები ამ შეხვედრაში ორჯერ იგებდნენ, მაგრამ მასპინძლებმა ორივეჯერ გაათანაბრეს, 89-ე წუთზე კი გამარჯვების გოლიც გაიტანეს. ჩვენი ნაკრების შემადგენლობაში დუბლი გიორგი ხარაიშვილმა შეასრულა.

აღსანიშნავია, რომ საქართველოს ნაკრები განსხვავებული დიზაინის მაისურით იყო მოედანზე.

საქართველოს ნაკრებმა მატჩი ამ შემადგენლობით ჩაატარა:
ქურდაძე, მარგველაშვილი (გიორგაძე), ჭიჭინაძე, მამუჩაშვილი, ხარაიშვილი, ელოშვილი (ალთუნაშვილი, ართმელაძე), მოხევიშვილი (ჩაჩუა), თევზაძე, შულაია (გიორბელიძე), მაჭარაშვილი (ბიძინაშვილი), იმნაძე (კიკნაძე).

შეგახსენებთ, რომ გია გეგუჩაძის გუნდმა რამდენიმე დღის წინ ამხანაგურად სოფიაში, ბულგარეთის 21-წლამდელთა ნაკრებთანაც ითამაშა და ანგარიშით 0:1 დამარცხდა.

- საქართველოს ახალგაზრდულმა ნაკრებმა სტუმრად ბულგარეთთან წააგო [VIDEO]

საქართველოს ახალგაზრდული ნაკრები ევროპის ჩემპიონატის შესარჩევ ციკლს 1-ელ სექტემბერს, პოლონეთთან გასვლითი მატჩით დაიწყებს. მესამე შესარჩევ ჯგუფში ჩვენი მეტოქეები ასევე იქნებიან: დანია, ფინეთი, ლიტვა და ფარერები.