"ლელოს" ინფორმაციით, საქართველოს ფეხბურთის ფედერაციის, თბილისის "დინამოსა" და არნემის "ვიტესის" ყოფილი პრეზიდენტი მერაბ ჟორდანია ლანჩხუთის "გურიის" ხელმძღვანელობასთან აქტიურ მოლაპარაკებას აწარმოებს. ის ბიზნესჯგუფის წარმომადგენელთან ერთად მშობლიურ კლუბში ინვესტირებას გეგმავს.დადასტურებულია, რომ 29 აგვისტოს ჟორდანია ლანჩხუთის მუნიციპალიტეტის ხელმძღვანელობას შეხვდა. ჯერჯერობით, მხარეები ოფიციალურ კომენტარს არ აკეთებენ. ჩვენი წყაროს ინფორმაციით, მცირეოდენი დეტალებია დასაზუსტებელ-შესათანხმებელი და თითქმის გადაწყვეტილია, რომ ჟორდანია "გურიაში" დაბრუნდება, ამჯერად - მაღალჩინოსნის რანგში.
შეგახსენებთ, რომ ის 80-იანი წლების ტრიუმფალური "გურიის" ცნობილი წევრია. შემდგომში, სხვადასხვა თანამდებობაზე მუშაობისას, აქტიურად ეხმარებოდა მშობლიურ კლუბს, მათ შორის -
სფფ-ის პრეზიდენტობისას ის "გურიის" ლობისტად მიიჩნეოდა. თავადაც აცხადებდა - მართალია, ფედერაციის პრეზიდენტს არ აქვს უფლება, რომელიმე კლუბი გამოარჩიოს, თუმცა "გურია" ჩემთვის განსაკუთრებულიაო...
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
