8 ნოემბერს, დავით მინაშვილის გადაცემა "არენას" ეთერში (საზოგადოებრივი მაუწყებლის I არხი) საქართველოს ნაკრების მთავარმა მწვრთნელმა თემურ ქეცბაიამ ქართველი კომენტატორები გააკრიტიკა.ქეცბაიამ მატჩების ტრანსლიაციისას ქართველი და უცხოელი კომენტატორების მუშაობა ერთმანეთს შეადარა (იხილეთ ვიდეო).
"კომენტატორს, რომელსაც მიჰყავს თამაში, იმაზე კი არ უნდა ლაპარაკობდეს, თუ რა საშინელ ფეხბურთს თამაშობს გუნდი, ვინ დააყენა და ვინ არ დააყენა მწვრთნელმა...
გულშემატკივარს სურს, რომ შენ თამაში წაიყვანო. კომენტატორები, როგორც ცივილიზებულ ქვეყნებში ხდება, ისე უნდა მოიქცეთ. იქ ფეხბურთზე თამაშის წინ ერთსაათიან შეხვედრებზე მსჯელობენ, ასევე შესვენების დროს, ან თამაშის
ყველაზე ცუდი იცით რა არის ჩვენს ქვეყანაში? ყველას გვინდა, რომ სხვას ვასწავლოთ ჭკუა. იმის გაგება კი არ გვინდა, რა არის ჩვენი გასაკეთებელი.
გულდასაწყვეტი არ არის - ნაკრები წავედით ფინეთში და ერთი ჟურნალიტიც არ წამოგვყვა. თქვენ (I არხმა) თამაში არ ანახეთ ლუქსენბურგში 5 ათასი ევროს გულისთვის და აქედან მიგყავდათ თამაში.
კარგით, ვთქვათ ფინეთი შორს იყო, მაგრამ ბელორუსში ხომ ყოველდღე დაფრინავს თვითმფრინავი?! მე რომ ჟურნალისტი ვარ და მინდა რაღაცა გავაშუქო, წავალ და სულაც აეროპორტში დავიძინებ, სამაგიეროდ თამაშს ვუყურებ და მერე ერთ-ორ კითხვას დავსვამ.
შევდივარ პრესკონფერენციაზე (ბელორუსი-საქართველოს მატჩის შემდეგ) და ვხედავ უკრაინელ, ბელორუს, რუს ჟურნალისტებს, ქართველი კი არცერთი არ არის.
თუ მილიონები იხარჯება და აჩვენებთ სერიალებს, საშინელებებს, გარყვნილობებს, ვინ ვისთან წევს და ვის ვისთან სძინავს, ეს პრობლემა მოაგვარეთ...", - თქვა ქეცბაიამ გადაცემის ეთერში.
