საქართველოს ეროვნული ნაკრების მთავარი მწვრთნელი კახა ცხადაძე არ გამორიცხავს, რომ ეროვნულ გუნდში ნაკრების ბომბარდირი, დავით სირაძე გამოიძახოს.როგორც კახა ცხადაძემ განაცხადა, მან მის ხელთ არსებული რესურსი უნდა გამოიყენოს და არ უნდა დაელოდოს, როდის წამოიზრდება მომავალი თაობა.
"სირაძე მოქმედი ფეხბურთელია. თქვენ თუ დააკვირდით, არანაირ მნიშვნელობას არ ვანიჭებ ასაკს. მე აუცილებლად ჩავალ და ვნახავ დათოს თამაშებს. დამიჯერეთ, გეფიცებით, მაქსიმალურად შედეგისთვის უნდა ვითამაშოთ.
ტყუილი არ მიყვარს. მოვიდოდი და ვიტყოდი, რომ მინდა 3 ან 5 წელი, რომ ნაკრებში გამოძახებული ბავშვები გავზარდო და მერე მომთხოვეთ
აქვე გეტყვით, რომ მოქმედი ფეხბურთელებიდან დავით სირაძე ერთადერთია, რომელმაც ეროვნული ნაკრების მაისურით ყველაზე მეტი, რვა გოლი გაიტანა.
შეგახსენებთ, რომ საქართველოს ნაკრები ავსტრიულ შეკრებაზე გაემგზავრება, სადაც 9 ივნისს უკრაინის ნაკრებთან ამხანაგურ მატჩს გამართავს, 13 ივნისს კი, ევრო 2016-ის შესარჩევ ციკლში სტუმრად პოლონეთს დაუპირისპირდება.
