25 სექტემბერს, დანიის თასზე, "ორჰუსი" ქვედალიგელ "ბრონსჰოის" ესტუმრა და 3:1 გაიმარჯვა. ალბათ, ბოლო პერიოდში იშვიათი ამბავი იყო, როცა "ორჰუსში" ერთ ქართველსაც არ უთამაშია. დავით დევდარიანი ტრავმირებული გახლდათ, მათე ვაწაძე განაცხადში იყო, თუმცა მთავარმა მწვრთნელმა პეტერ სორენსენმა არ ათამაშა.
"უთამაშებლობის მიზეზი მეც ვერ ამიხსნია. მწვრთნელი თამაშს შემპირდა, მაგრამ მატჩის შემდეგ მითხრა, რომ საამისო საჭიროება არ იყო და ჩემპიონატისთვის დაგასვენეო", - ამბობს ტრავმამოშუშებული ვაწაძე, რომელსაც ახლა დასვენებაზე მეტად სათამაშო პრაქტიკა სჭირდება და სად შეიძლება ამ პრაქტიკის მიღება, თუ არა სათასო მატჩში?
ყველაზე
აღსანიშნავია, რომ საქართველოს ახალგაზრდული ნაკრების თამაშებიდან (ლუქსემბურგთან და სლოვაკეთთან) კლუბში დაბრუნებულმა თავდამსხმელმა "ორჰუსში" მხოლოდ ერთხელ, 15 სექტემბერს, დანიის სუპერლიგაში "ვიბორგის" წინააღმდეგ ითამაშა - მაშინ ქართველების გუნდი 0:1 დამარცხდა.
ჯერჯერობით არ დასტურდება გავრცელებული ხმები, თითქოს, სხირტლაძე კლუბით უკმაყოფილოა, წამოსვლა სურს და რომ მისი საკითხი უახლოეს დღეებში გაირკვევა.
20 წლის თავდამსხმელს "ორჰუსთან" კონტრაქტი აკავშირებს და გუნდს ასე იოლად ვერ დატოვებს.
ყოველდღიური სპორტული გაზეთი "ლელო"
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
