დანიის ჩემპიონატის განახლებამდე ერთი კვირაღა დარჩა და ქართული ტრიოს (დავით დევდარიანი, მათე ვაწაძე, დავით სხირტლაძე) "ორჰუსი" ფრიად დელიკატურ სიტუაციაში აღმოჩნდა.22 ქულით მე-8 ადგილზე მყოფ გუნდს ყველა მოწინავე ფორვარდი ტრავმირებული ჰყავს, მათ შორის, 25 წლის ვაწაძე, რომელსაც მუხლის ტრავმა აწუხებს. თანაც, მათი გამოჯანმრთელება "კოპენჰაგენთან" საშინაო მატჩისთვის გამორიცხულია.
სამაგიეროდ, ეს შანსია 20 წლის გარემარბ დავით სხირტლაძისთვის.
სხირტლაძე იმედოვნებს, რომ გაზაფხულზე საბოლოოდ დაიმკვიდრებს თავს დანიის ლიგაში.
"ვგრძნობ, რომ სულ უკეთეს ფორმაში ვარ. ამჟამად ყველაფერი წესრიგშია. ჩემი მიზანია, "ორჰუსის" შემადგენლობაში ყოველ ჯერზე 90
სხირტლაძის იმედი მთავარ მწვრთნელ პეტერ სორენსენსაც აქვს: "ვფიქრობ, შეტევაში პრობლემების აღმოფხვრაში დავით სხირტლაძე დაგვეხმარება. ის რამდენჯერმე შეტევაში ვათამაშე და კარგადაც გაისარჯა. არ დაგვავიწყდეს, რომ შეტევაში თამაში შეუძლია დავით დევდარიანსაც", - მოკლედ, კრიზისში მწვრთნელს ქართველების ეიმედება.
"ორჰუსი" მხოლოდ სამი ქულითღა უსწრებს გასავარდნ ზონას, რადგან ბოლო ხუთი ტურიდან მხოლოდ 1 ქულის აღება შეძლო.
26 წლის დავით დევდარიანმა 8 თამაშში 2 გოლი გაიტანა, სხირტლაძემ 11 მატჩში მიიღო მონაწილეობა, ხოლო ვაწაძემ 5 შეხვედრაში 1 გოლი შეაგდო.
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
