ქუთაისის "ტორპედოს" ავსტრიაში წამსვლელთა სია და სპარინგ-პარტნიორები ცნობილია

18 ივნისს, გამთენიისას, ქუთაისის "ტორპედო" ავსტრიაში გაემგზავრება, სადაც კურორტ ობერტრაუნში მდებარე სასტუმრო Bundessportcentrum-ში დაბინავდება და 12-დღიანი მოსამზადებელი ეტაპის ფარგლებში ამხანაგურ მატჩებსაც გამართავს.

ჟერარდ სარაგოსა მულეტის გადაწყვეტილებით, ავსტრიაში 25 ფეხბურთელი გაემგზავრება, რომელთა სია ასე გამოიყურება:

მეკარეები: ომარ მიგინეიშვილი, მაქსიმე ქვილითაია, ბაჩო მიქავა
მცველები: ვაჟა ტაბატაძე, დავით მთივლიშვილი, გიორგი გაბაძე, ზაზა ჭელიძე, ნიკა სანდოხაძე, ნიკა ჭანტურია, დავით უბილავა, რევაზ ჩიტეიშვილი
ნახევარმცველები: მათე ცინცაძე, მერაბ გიგაური, ნიკა ფირცხალავა, გიორგი კუხიანიძე, ალეკო მზევაშვილი, ნიკა ახვლედიანი, გიორგი გოროზია, თეიმურაზ მარკოზაშვილი.
თავდამსხმელები: ლუკა ზარანდია, გიორგი ფანცულაია, ბექა ტუღუში, თორნიკე კაპანაძე, დავით ჯიქია

ასევე, ცნობილია ის სამი უცხოური გუნდი, რომელიც ტორპედოელებს სპარინგ-პარტნიორობას გაუწევს.

21 ივნისს ქუთაისური გუნდი ავსტრიის ბუნდესლიგაში აღზევებულ საფეხბურთო კლუბ "გრიოდიგს" დაუპირისპირდება.

24 ივნისს სლოვაკეთის სუპერლიგაში მეხუთე ადგილზე გასულ "კოშიცესთან" მოსინჯავს ძალებს.

27 ივნისს კი კიდევ ერთ სლოვაკურ გუნდს, ამჯერად მეორე ლიგის მეორეადგილოსან "პოდბრეზოვას" შეხვდება ამხანაგურად.

fctorpedo.ge