"მანჩესტერ სიტი" მზად არის, რიად მაჰრეზში 40 მილიონი გირვანქა გადაიხადოს, მაგრამ "ლესტერს" ალჟირელი, რომელთან კონტრაქტიც 2019 წლამდე აქვს, 45 მილიონზე ნაკლებად არ ეთმობა. მაჰრეზს "ბარსელონას", "რეალს", "არსენალს", "მანჩესტერ იუნაიტედსა" და სხვა კლუბებსაც უკავშირებდნენ, მაგრამ ახლა ყველაზე მეტად "სიტი" აქტიურობს და ამხელა თანხის გადამხდელები მხოლოდ "ქალაქელები" ჩანან.
"მელიებს" კი ლიდერისა და სეზონის საუკეთესო ფეხბურთელის დაკარგვა დიდად არ უნდათ, თანაც ნ'გოლო კანტეს წასვლის მერე, მაგრამ დიდწილად ეს თავად მაჰრეზზეა დამოკიდებული და ლესტერშირელები იმას მაინც შეეცდებიან, რომ რაც შეიძლება დიდ თანხას გამორჩნენ.
ამასობაში,
"მაჰრეზის ადგილას "ლესტერიდან" წავიდოდი, რადგან თანამედროვე ფეხბურთში აღარ არსებობს ცნება ერთგულება. რიადმა მისთვის მომგებიანი ნაბიჯი უნდა გადადგას" - თქვა ადამმა.
შეგახსენებთ, რომ სათუოა კლუბის კიდევ ერთი ლიდერის, ჯეიმი ვარდის საკითხიც. მოკლედ, ჩემპიონატის დაწყებამდე ჩემპიონისგან საჩემპიონო შემადგენლობა შეიძლება აღარც დარჩეს. შესაძლოა, კლაუდიო რანიერის მართლაც გაუჭირდეს "იმ" 40 ქულის მოგროვება.
ყოველდღიური სპორტული გაზეთი "ლელო"
![კლაუდიო რანიერის დიდებული საქციელი - ვიდეო, რომელიც აუცილებლად უნდა ნახოთ [VIDEO]](/pictures/image7/89cf6859041d9d1a0b45fb1b67e6c407.jpg "კლაუდიო რანიერის დიდებული საქციელი - ვიდეო, რომელიც აუცილებლად უნდა ნახოთ [VIDEO]")
