"იუვენტუსის" სპორტული დირექტორი ჯუზეპე მაროტა "გაძეტა დელო სპორტს" ესაუბრა და აქტუალურ თემებზე კლუბის პოზიცია დააფიქსირა. ახალი კონტრაქტი პოგბას
ბევრი დაიწერა პოგბას შესაძლო წასვლის შესახებ, რეალობა კი ისაა, რომ პოლის გაშვებას არ ვაპირებთ. მეტიც, გვსურს მას ახალი კონტრაქტი და გაუმჯობესებული პირობები შევთავაზოთ. პოგბა გუნდისთვის უმნიშვნელოვანესი ფეხბურთელია და მისი გაშვება ჩვენს ინტერესში არ შედის. ფრანგს მხოლოდ იმ შემთხვევაში გავასხვისებთ, თუ მასში აღებული თანხით გუნდის კიდევ უფრო გაძლიერება იქნება შესაძლებელი. თუმცა, მსგავსი წინადადება ჯერ არ მიგვიღია და შესაბამისად, ეს საკითხი არ დგას დღის
ოქროს ბურთი
ამაყები ვართ, რომ ანტონიო კონტე და ანდრეა პირლო საუკეთესოთა შორის ნომინირებულნი არიან. ეს იმას ნიშნავს, რომ სწორ გზას ვადგავართ და ჩვენთან უმაღლესი კლასის პროფესიონალები იღვწიან. უნდა იყოს თუ არა მათ შორის არტურო ვიდალი? - ვიდალს ფანტასტიკური სეზონი ჰქონდა და იმსახურებდა საუკეთესოთა შორის მოხვედრას, თუმცა, არ უნდა დაგვავიწყდეს, რომ ევროპაში ბევრი ექსტრაკლასის ფეხბურთელია და კონკურენციაც არნახულად მაღალია. თავად განსაჯეთ, ნომინანტთა შორის სერია A-დან მხოლოდ ერთი ფეხბურთელია და ისიც პირლო.
მძიმე სტარტი ლიგაზე
ჩემპიონთა ლიგაზე ცუდად ვასპარეზობთ, მაგრამ საბედნიეროდ, ეს პლეი ოფი არაა და შეცდომების გამოსწორების საშუალება მოგვეცემა. ყველაფერი ჩვენს ხელშია და მჯერა, რომ რთული ვითარებიდან გამოსავალს ვიპოვით. დარჩენილ სამ შეხვედრაში უნდა გავიმარჯვოთ და "რეალთან" ერთად, აუცილებლად გავალთ მერვედფინალში.
ყოველდღიური სპორტული გაზეთი "ლელო"
ასევე იხილეთ:
ჩეზარე პრანდელი ანტონიო კონტეს შეცვლის?
