27 მაისს, ღამით, ერთდროულად დაიწყო ორი ქართველი ლეგიონერის მატჩი: ვარშავაში ფეხბურთელ ჯაბა კანკავას "დნიპრო" ევროპალიგის ფინალში "სევილიას" დაუპირისპირდა, ხოლო ვენეციაში კალათბურთელი გიორგი შერმადინის "კანტუ" "უმანა ვენეციას" შეხვდა. ორივე ჩვენიანის გუნდი ბოლო წუთებზე დამარცხდა. "დნიპრომ" 2:3 რომ წააგო, სხვა სტატიაში დაწვრილებით წაიკითხავთ; აქ "კანტუზე" ვთქვათ, რომელმაც იტალიის ჩემპიონატის მეოთხედფინალური სერია 2:3 დათმო, გუშინდელ შეხვედრაში კი 73:88 წააგო.
შერმადინმა 22 წუთში 6-6 ქულა-მოხსნა მოაგროვა და ერთი პასიც მიამატა. მატჩის ბომბარდირი 24 ქულით ვენეციელი ფილ გოსი გახდა.
საქართველოს ნაკრების კიდევ ერთ წევრს, ამერიკელ
ჯეიკობმა 36 წუთში 15 ქულა, 3 მოხსნა და 1 პასი მიითვალა.
ასე და ამგვარად, შერმადინისა და პულენისთვის სეზონი დასრულდა. ივლისიდან საქართველოს ნაკრებთან ერთად უნდა შეუდგნენ ხორვატიისკენ მიმავალ გზას.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
