საქართველოს კალათბურთის ეროვნულ ფედერაციასა და "სასკი ბასკონიას" მიერ ორგანიზებული საკალათბურთო კემპი დასრულდა. თბილისში, "დინამოს" საწვრთნელ ბაზაზე ესპანელი მწვრთნელები ორი კვირის განმავლობაში ქართველ ახალგაზრდებს წვრთნებს უტარებდნენ და საბოლოოდ 16 პერსპექტიული მოთამაშეც გამოარჩიეს, რომლებსაც ივნისში ესპანეთში, "სასკი ბასკონიას" საერთაშორისო კემპზე წაიყვანენ."დინამოს" ბაზაზე თავდაპირველად 160-მა მოზარდმა მოიყარა თავი, რომლებიც 1998-2002 წლებში იყვნენ დაბადებულნი. ერთკვირიანი ვარჯიშების შემდეგ კემპის მონაწილეთა რაოდენობა განახევრდა და დაახლოებით 80-მა ახალგაზრდა ესპანელი მწვრთნელების ხელმძღვანელობით წვრთნა კიდევ 1 კვირით განაგრძო.
ვარჯიშები 24 აპრილს დასრულდა, დღეს კი "დინამოს" ბაზაზე პრეს-კონფერენცია გაიმართა,
საქართველოს კალათბურთის ეროვნულ ფედერაციისა და "სასკი ბასკონიას" შორის გაფორმებული ხელშეკრულება მხოლოდ აღნბიშნულ კემპს როდის მოიცავს. ესაა ერთ-ერთი შემადგენელი ნაწილი და ხელშეკრულებით გათვალისწინებული 5-წლიანი პერიოდის დასაწყისი, რომლის მეშვეობითაც ესპანურმა მხარემ ქართულ კალათბურთში არსებული კონტიგენტი, ახალგაზრდა თაობის შესაძლებლობები გაიცნო.
სწორედ ამაზე ისაუბრეს კემპის დასრულების შემდეგ გამართულ პრეს-კონფერენციაზე, რომელსაც საქართველოს კალათბურთის ეროვნული ფედერაციის გენერალური მდივანი გიორგი ქართველიშვილი, ვიცე-პრეზიდენტები - კახა შენგელია და ვლადიმერ ბოისა, "სასკი ბასკონიას" გენერალური დირექტორი ხესუს ვასკესი და ტექნიკური დირექტორი ბორხა კომენჯი დაესწრნენ.
![Sportall.Ge](/pictures/artimages/image17/bf18113a01e071e3ff9cf285bd6163ae.jpg ""სასკი ბასკონიას" კემპი დასრულდა - 16 ქართველი მოთამაშე ესპანეთში გაემგზავრება")
წყარო: www.gbf.ge
