ლებრონ ჯეიმსის საიუბილეო გარეკანი

"მაიამი ჰიტის" ფორვარდი ლებრონ ჯეიმსი კარიერაში მეოცედ გამოჩნდა პოპულარული სპორტული ჟურნალის - Sports Illustrated-ის გარეკანზე.

გამოცემისთვის მიცემულ ინტერვიუში "ჰიტის" ვარსკვლავმა მოყვა იმ სირთულეების შესახებ, რომლის გადალახვაც მოუწია მის გუნდს ჩემპიონობის ზედიზედ მეორედ მოპოვებისთვის.

ჯეი არ სმიტი თავისუფალი აგენტი გახდება
"ნიუ იორკ ნიქსის" მცველმა ჯეი არ სმიტმა გადაწყვიტა, არ გამოიყენოს მის კონტრაქტში გაწერილი პუნქტი ხელშეკრულების ცალმხრივად გაგრძელების შესახებ, - იტყობინება ESPN. 27 წლის კალათბურთელი, რომელიც 2012-13 წლების სეზონში "საუკეთესო მეექვსე მოთამაშედ" აღიარეს, თავისუფალი აგენტების ბაზარზე გავა.

განვლილ სეზონში სმიტმა საშუალოდ 18.1 ქულა და 5.3 მოხსნა დააგროვა, ხელფასის სახით კი 2.9 მილიონი დოლარი მიიღო.

როგორც ჩანს, ჯეი არს მრავალწლიანი კონტრაქტის გაფორმება სურს და არ გამოირიცხება მისი "ნიქსში" დარჩენაც. კალათბურთელის პოზიციაზე შეიძლება იმოქმედოს "ნიუ იორკის" მთავარი მწვრთნელის, მაიკ ვუდსონის პოზიციამ: გასული სეზონის დასაწყისში სმიტი უკმაყოფილო იყო იმით, რომ მწვრთნელი ვერ ხედავდა მას სასტარტო ხუთეულის მოთამაშედ.

რივერსი "კლიპერსში": მწვრთნელიც და ვიცე-პრეზიდენტიც
"ლოს ანჯელეს კლიპერსმა" თავის ოფიციალურ ვებგვერდზე გამოაცხადა მთავარ მწვრთნელად დოკ რივერსის დანიშვნის შესახებ. გარდა ამისა, ეს სპეციალისტი ახალ გუნდში ვიცე-პრეზიდენტის ფუნქციებსაც შეითავსებს.

51 წლის მწვრთნელის წინა კლუბმა "ბოსტონ სელტიქსმა" თანხმობა განაცხადა რივერსის კალიფორნიაში გაშვებაზე, არადა, დოკს "კელტებთან" მოქმედი სამწლიანი ხელშეკრულება აკავშირებდა 21-მილიონიანი კონტრაქტით.

"ბოსტონი" რივერსის სანაცვლოდ "კლიპერსისგან" 2015 წლის დრაფტზე პირველ რაუნდში არჩევის უფლებას მიიღებს.

დოკ რივერსი ცხრა სეზონის განმავლობაში ავარჯიშებდა "ბოსტონს" და ამ დროის განმავლობაში რეგულარულ ჩემპიონატში მოიგო 416 მატჩი და 305-ჯერ დამარცხდა, პლეი ოფში ანალოგიური სტატისტიკა კი 59 მოგებასა და 47 მარცხს შეადგენდა. "სელტიქსი" რივერსის ხელმძღვანელობით 2008 წელს გახდა NBA-ს ჩემპიონი.

ყოველდღიური სპორტული გაზეთი "ლელო"

ასევე იხილეთ:
მთვრალი პატ რაილის რჩევები