ევრობასკეტ 2025-ის საკვალიფიკაციო ტურნირის ბოლო ტურში, საქართველოს ნაკრები გასვლაზე სერბეთთან 54:63 დამარცხდა.ამ მატჩს უკვე არავითარი პრაქტიკული მნიშვნელობა არ ჰქონდა, რამეთუ ნებისმიერ შემთხვევაში სერბეთი ჯგუფში პირველ ადგილზე გავიდოდა, საქართველო კი მეორეზე და ორივე გუნდმა ევროპირველობის საგზური გასულ ტურში გაინაღდა. მიუხედავად ამისა ალეკსანდარ ნიკოლიჩის სახელობის დარბაზი პირთამდე გაივსო.
ჩვენმა გუნდმა ტრავმირებული ბოლდუინის, აგრეთვე შენგელიას და შერმადინის გარეშე ითამაშა. მწრთნელმა ჯიკიჩმა თანამემამულეების წინააღმდეგ პარკეტზე შემდეგი სასტარტო ხუთეული გაიყვანა: ოჩხიკიძე, დ. სანაძე, კორსანტია, ჯინჭარაძე, ბურჯანაძე. დაბალშედეგიანი პირველი მეოთხედი 13:17 დასრულდა. ქართველი კალათბურთელები დაცვაში
დიდი შესვენების შემდეგ ჩვენმა გუნდმა გუნდური ჯარიმების ლიმიტი მალე ამოწურა, სერბებმა გაქცევა მოხერხეს, ბურჯანაძემ ორი ზუსტი სამიანით ანგარიში გაათანაბრა, დასკვნითი პერიოდის წინ კი ტაბლოზე 44:41 დაფიქსირდა. ბოლო მეოთხედში ჯინჭარაძემ და ოჩხიკიძემ მეხუთე პერსონალური მიიღეს, მასპინძლებს სამქულიანი სროლები შედარებით წაუვიდათ და გაიმარჯვეს.
17 ქულით მატჩის ყველაზე შედეგიანი მოთამაშე ბურჯანაძე გახდა, 12-12 ქულა დ. სანაძემ და კორსანტიამ (6 მოხსნა) ჩააგდეს, 10 ანდრონიკაშვილმა, 2 ს. სანაძემ, 1 კი ოჩხიკიძემ. მასპინძელთა რიგებში ყველაზე შედეგიანი 14 ქულით ავრამოვიჩი იყო.
ორივე გუნდი გადახალისებული შემადგენლობით - საქართველოს საკალათბურთო ნაკრები დღეს სერბეთს დაუპირისპირდება
![რა მატჩი, რა ემოციები - საქართველოს ნაკრებმა დანია დაამარცხა და ზედიზედ მეექვსედ გავიდა ევროპის ჩემპიონატზე! [VIDEO]](/pictures/image7/8263417efa4f6072b9d2a1997fe582cc.jpg "რა მატჩი, რა ემოციები - საქართველოს ნაკრებმა დანია დაამარცხა და ზედიზედ მეექვსედ გავიდა ევროპის ჩემპიონატზე! [VIDEO]")
დიდება საქართველოს!
ილია ლონდარიძე - დებიუტიდან დღემდე ამტკიცებს რომ არ ვარგა და კიდევ რადენი ხანი უნდა იყოს ნაკრებში? მხოლოდ ტრიბუნიდან გაგვიღიმოს წვერულვაშში
ოჩხიკიძე - ცანცარებს წვალობს, მაგრამ ძირითადად ზარალია. საკმაოდ ბევრი თამაში დაუგროვდა ნაკრებში და ალბათ აღარ ღირს მისი წვალების ყურება
რატი ანდრონიკაშვილი - მისი ბავშობის დროინდელი კლასიდან აჩრდილიც აღარ დარჩა, თუმცა ევრობასკეტზე ჩაჭრებში გამოგვადგება.
ფევაძე - მარტო მოხსენების გამო უნდა წაიყვანოს ევობასკეტზე, მეტი არაფერი იცის
ბექა ბურჯანაძე - მისგან კარგ თამაშებს აღარ ველოდი და სასიამოვნოდ გამაოცა
უმადური არ ვარ. მადლობა ბიჭებს მორიგი ევრობასკეტისთვის და წარმატებები