საქართველოს ნაკრების 18 წლის კალათბურთელმა გოგა ბითაძემ ადრიატიკის ლიგაში მეორე მატჩი გამართა. მისი "მეგა ბიმაქსის" მოწინააღმდეგე "ცრვენა ზვეზდა" იყო. შეხვედრა სწორედ ამ გუნდის მოედანზე გაიმართა და ათქულიანი გამარჯვებით დასრულდა - 90:80.
გოგა "მეგა ბიმაქსის" ერთ-ერთი წამყვანი ფიგურა იყო. მან 30 წუთში 19 ქულა, 5 მოხსნა, 4 დაფარება და 1 პასი მოაგროვა. ქართველმა ცენტრმა 16-დან 8 ორქულიანი და 3-დან 3 საჯარიმო გამოიყენა.
მასთან ერთად 19 ქულა ჰქონდა რებიჩს, ხოლო ენისმა 21 ქულას მოუყარა თავი.
"ცრვენა ზვეზდა" სერიოზული გუნდი რომ არის, ისიც მეტყველებს, რომ მასში NBA-მოვლილი პერო ანტიჩი თამაშობს. "ზვეზდას" კალათბურთელებმა ბოლო წუთებზე მეტი სიზუსტე გამოიჩინეს და, როგორც მოგახსენეთ, 90:80 გაიმარჯვეს. მათი ბომბარდირი ტაილერ როჩესტი გახდა - 23 ქულა.
"მეგა ბიმაქსი" ადრიატიკის ლიგაზე მომდევნო მატჩს 7 ოქტომბერს შინ გამართავს. მისი მეტოქე მონტენეგროს "მორნარი" იქნება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 1 /
მოწონებების მიხედვით
თარიღის მიხედვით
ჯარიმებიც ზუსტად ჩაუყრია.გუნდში აშკარად ენდობიან თორემ 30 წუთს არავინ მისცემდა,ეს კი ნიშნავს რომ ძალიან მალე,ძალიან მაგარი ცენტრი გვეყოლება.ეგენი დაცვაში კარგ თამაშსაც მალე ასწავლიან.
1
0
ყველა კომენტარი
გააკეთეთ კომენტარი
ასევე დაგაინტერესებთ
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
უძრავი ქონება
107.00 k
150.00 k
სიახლეები
პოპულარული
