გასული, მე-14 ტური შერმადინისთვის გამორჩეული იყო. მან პირადი რეკორდები დაამყარა, როგორც მოგროვებულ ქულებში, ასევე მარგი ქმედების კოეფიციენტში. 2016 წელს ანდორაში თამაშისას მოგროვებული 29 ქულა შერმადინმა გასულ ტურში "გრან კანარიასთან" 100:79 მოგებულ მატჩში გადაფარა. ქართველმა ცენტრმა 32 ქულა ჩააგდო და სარგებლიანობის ინდექსი 42-მდე აიყვანა.
გიორგიმ 12-დან 9 ორქულიანი და 16-დან 14 საჯარიმო ჩააგდო და აქტივში 9 მოხსნა (5 შეტევაში), 3 ჩაჭრა და 11 გამომუშავებული ფოლიც ჰქონდა. შერმადინი პირველი კალათბურთელია, ვინც ლიგა ენდესას მიმდინარე სეზონში ტურის საუკეთესო კალათბურთელად მესამედ დაასახელეს და დიდი შანსია, თვის MVP-ს ტიტულიც ერგოს, რადგანაც 2 აღიარება სწორედ დეკემბერში ჩატარებულ მე-12 და მე-14 ტურებში ერგო.
მომზადებულია GBF.ge-ს მიხედვით
![alt](/pictures/image50/c9caf2c2726e4d2a16a71d5971f5ca9a.jpg ""შერმინატორი" არ ჩერდება - ესპანეთის ჩემპიონატის ტურის MVP მესამედ გახდა [VIDEO]")
სუპერშერმადინი ყველას აოცებს - 32 ქულა "გრან კანარიასთან"! [VIDEO]
ადმინ! ძალიან ცუდი მხედველობა მაქვს და ნუ მაწვალებთ ტესტით.