სამწუხარო ამბავი შეემთხვა გიორგი შერმადინის “იბეროსტარ ტენერიფეს”. ფიბა-ს ჩემპიონთა ლიგის რვათა ფინალის პირველსავე მეტოქესთან ტენერიფელები დამარცხდნენ და ტურნირს გამოეთიშნენ. შეგახსენებთ, რომ პანდემიის გამო ჩემპიონთა ლიგის ფორმატი შეიცვალა და გაკეთდა 8-თა ფინალი, რომელიც საბერძნეთის დედაქალაქში ტარდება და შერმადინის გუნდიც მოხვდა. მეოთხედფინალში კუნძულელების მეტოქე ესპანური “სარაგოსა” გახლდათ, რომელთანაც “ტენერიფემ” 81:87 წააგო.
წაგებულთა რიგებში ქართველი ცენტრი საუკეთესო იყო 24 მარგი ქმედების კოეფიციენტით. შერმადინმა 28 წუთში 22 ქულა მოუტანა გუნდს. ამის გარდა, მის ანგარიშზე 8 მოხსნა და 1 პასიცაა. გიორგიმ ბოლო მეოთხედში მალევე მიიღო
მე-4 პერსონალური შენიშვნა. ასე რომ, დროებით სკამზე გადაინაცვლა. ქართველი ცენტრი ბოლოსკენ შევიდა და სამი წუთით ადრე ანგარიშიც გაათანაბრა – 76:76. სამწუხაროდ, ბოლო წუთზე შერმადინმა მეხუთე ფოლი მიიღო, მის გარეშე კი "იბეროსტარი" ვერას გახდა.
GBF.GE
![alt](/pictures/image50/1ed592e1d017ddae0cb6bb5e05a370ca.jpg "შერმადინი საუკეთესო იყო, თუმცა მისი "ტენერიფე" "სარაგოსასთან" დამარცხდა")
შერმადინმა 18 ქულა ჩააგდო - მისმა გუნდმა მეტოქეს 24 ქულა "ამოუქაჩა" და გაიმარჯვა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
