ევროლიგის მეორე 1/4-ფინალურ მატჩში თორნიკე შენგელიას ცსკა-მ მოსკოვში "ფენერბახჩე" 78:67 დაამარცხა.
სტუმრებს მოულოდნელად ერთერთი ლიდერი, კორონავირუსისგან განკურნებული კანადელი მსუბუქი ფორვარდი დაიშენ პიერი დაუბრუნდათ და პირველი მატჩისგან განსხვავებით მასპინძლებს ბრძოლა გაუმართეს. თუმცა, დასკვნითი მეოთხედი ცსკა-მ უკეთ ჩაატარა, გაიმარჯვა და სერიაში 2:0 დაწინაურდა.
შენგელიამ 32:36 წუთში 11 ქულა (8-დან 5 ორქულიანი, 1-დან 0 სამქულიანი, 2-დან 1 საჯარიმო), 7 მოხსნა, 7 პასი, 2 ჩაჭრა და 1 დაფარება მიითვალა, 3-ჯერ დაკარგა ბურთი, მისი მარგი ქმედების კოეფიციენტი კი 22-ს გაუტოლდა.
ცსკა-ში 14 ქულით, 9 პასითა და სარგებლიანობის 26-იანი კოეფიციენტით საუკეთესო დენიელ ჰეკეტი იყო.
"ფენერს" 27 ქულით მარკო გუდურიჩი შეეწია, ხოლო ნანდო დე კოლო - 9 ქულით.
სერია სამ მოგებამდეა და ამ გუნდების მესამე შეხვედრა 28 აპრილს სტამბულში ჩატარდება.
შენგელიას 6 ქულა და ცსკა-ს "ფენერბახჩესთან" დამაჯერებელი გამარჯვება
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
